1 Samuel 8:6 - Bible Ni Thothup

⁶ Ma de fel’ u wan’ Samuel e tin karogned ngak ni nge turguy be’ nge par ni pilung rorad; aram me meybil ngak SOMOL,

1 Samuel 8:6 Σταυροειδείς Αναφορές

Psalms 109:4

Yad be togopluw ngog, ni yug aram rogon ni yad bt’uf rog ni gu ma pi’ e meybil ni farad.

Exodus 32:21

Me ga’ar ngak Aron, “Mang e ke rin’ e pi girdi’ ney ngom kam waliyrad kar ngongliyed e biney e denen nrib kireb?”

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Hosea 13:10

Kam wenig niged ngog ni nggu pi’ ba pilung ngomed nge girdi’ ni ngi i yog e thin romed. Machane ra di’in me yag rorad ni ngar chuweged e nam romed ko riya’?

Numbers 16:15

Mri damumuw Moses me ga’ar ngak SOMOL, “Dab kum fanay e pi maligach ni be pi’ e pi pumo’on ney ngom. Dawor gu bucheg ban’en rok bagyad; mus nga ta’ab dongki ma dawor gu fek rorad.”

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Numbers 16:46

me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”

Filippi 4:6

Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

1 Samuel 10:19

I Gag e Got romed, I Gag e en gu chuwegmed u fithik’ gubin e gafgow nge tin nib mo’maw’ nma yib ngomed, ma chiney e kam pi’ed keru’med ngog ma kamogned ngog ni nggu pi’ be’ ngomed nge mang pilung romed. Ere kefel’, mmu’ulunggad nga p’eowcheg, nra reb e ganong ma nge par nga bang, ma ba kean e girdi’ me par nga bang.’”

1 Samuel 12:12

Ma nap’an ni mu guyed ni be yan Nahash ni Pilung nu Ammon ni nge mael ngomed, mi gimed pi’ keru’med ngak SOMOL ni ir e pilung romed me lungumed ngog, ‘Gamad ba’adag ba pilung ni nge gagiyeg nagmad.’

1 Samuel 12:17

Chiney e ngal’an e yal’, aray rogon fa dangay? Nggu meybil, ma aram e nge pi’ SOMOL e dirra’ nge n’uw. Ma nap’an nra yodorom, ma aram e ngam nanged ni kam ngongliyed reb e denen nrib gel e kireb riy nib togopluw ngak SOMOL ko fa ngiyal’nem ni mogned ngak ni nge pi’ ba pilung ngomed.”

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.

1 Samuel 7:5

Ma aram me pining Samuel gubin piyu Israel ni ngar mu’ulunggad nga Mizpah, ni be ga’ar ngorad, “U rom e nggu meybil nagmed riy ngak SOMOL.”