1 Samuel 8:18 - Bible Ni Thothup

¹⁸ Ra yan i taw ko ngiyal’nem ma rib gel e gun’gun’ ni bay um ted ni bochan e pilung romed, niki gimed e mu duwgiliyed, machane SOMOL e dabi motoyil ko gun’gun’ romed.”

1 Samuel 8:18 Σταυροειδείς Αναφορές

2 Kronicles 10:11

Mog ngorad ni ngam ga’ar, ‘Chitamag e pi’ e maruwel ngomed nib gel; ma maruwel ni gu ra pi’ e kabgel boch ngay. I toymed ko dimow, me gag e bay gu pirdi’iymed ko dimow ni fen e garbaw ni pumo’on!’”

BABYOR NI JOB 27:8

Mang e bay nma l’agan’ e pi’in nde nang Got ngay ko re awa ni nge fek Got e yafos rorad?

BABYOR NI JOB 27:9

Gur ra taw e gafgow ngorad mra motoyil Got ko meyor rorad?

Psalms 18:41

Yad be yornag e ayuw, machane dariy be’ nra ayuwegrad; yad be pining SOMOL, machane dar fulweg lungurad.

Proverbs 21:13

Fa’anra dab mu mmotoyil ko meyor ko pi’in gafgow, ma birom e meyor ni man ayuw e dab ni rung’ag.

Isaiah 1:15

“Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

Isaiah 59:1

Dab mu leamnag ni SOMOL e kaygi me’waer ni nge aywegnem fa kari bling ni nde rung’ag lamam ni ga be ning e ayuw!

Isaiah 8:21

Girdi’ e bay uranod u lan e re nam ney nike mulan’rad ma karm’ad ko bilig. Ere bay ra damumuwgad ngu u rogned e thin nib kireb ngak e pilung rorad nge ngak e Got rorad. Yad ra sap ngalang,

Ezekiel 8:18

Bay ra thamiyed ga’ngin gelngin e damumuw rog. Dab gu pag bagyad nib fos fa gudag boch’uw e murnguy ngak bagyad. Bay ra meybilgad ngog ni yad be tolul ni kari musmus ga’ngin lungrad, machane dab gu motoyil ngorad.”

Mikah 3:4

Bay ba ngiyal’ ni be yib ni bay mu pininged SOMOL ni ba ga’ lammed, machane dabi fulweg lammed. Ma dabi motoyil ko meybil romed, ya kam ngongliyed e kireb.

Luke 13:25

“Ya cha’ ni ir e masta ko fare naun e ra sak’iy nge ning e mab; ma fa’an mu sak’iygad u wuru’ e mab mi gimed tabab i tugtuguy e mab me lungumed, Mbing e mab ngomad! ma bayi fulweg ni ga’ar, Da gu nang e gin kambad riy.

1 Samuel 8:17

Ma bayi fek ragag e pasent ko yu ran’ i gamanman romed. Ma bay mpired ni gimed e sib rok.