1 Samuel 8:15 - Bible Ni Thothup

¹⁵ Ma bayi fek ragag e pasent ko grain nge grape romed nge pi’ ngak e pi tolang ni be par u tabinaw rok nge ku yugu boch e pi tolang ni bay nga tan pa’.

1 Samuel 8:15 Σταυροειδείς Αναφορές

Genesis 37:36

Ma ngiyal’nem u Egypt e ke pi’ fapi Midianite Josef ni chuway’ ngak Potifar, ni ir reb e salthaw rok Farao nib tolang, ni ir e kapten rok e pi salthaw nma matanagiy tafen Farao.

Isaiah 39:7

Boch pifakam ni pumo’on e bay ni fekrad ngabang ngar manged bogi eunuch ni ngar pigpiggad u lan tafen e pilung nu Babylonia.”

Daniel 1:18

Ma nap’an ni m’ay fa dalip i duw ni duwgiliy e en ni pilung, me fek Ashpenaz fapi pagel ni gubin i yan ngak Nebukadnezzar.

Daniel 1:3

Me yog e en ni pilung ngak Ashpenaz, ni ir e th’abi tolang ko girdi’ ni bay u tan pa’, ni nge mel’eg u fithik’ fapi kalbus nu Israel, boch e pagel ko tabinaw ko pilung nge pi tabinaw nib tolang.

1 Samuel 8:14

Ma bayi fek yungi flang romed nib th’abi fel’, nge fi’imed grape, nge fi’imed olive nge pi’ ngak e pi tolang ni bay nga tan pa’.

1 Samuel 8:16

Ma bayi fek e pi tapigpig romed, nge tin th’abi fel’ e garbaw nge dongki romed nge tayrad ngu’ur maruwelgad rok.