1 Samuel 7:6 - Bible Ni Thothup

⁶ Aram miyad mu’ulung nga Mizpah ni yad gubin. Miyad l’ing e ran ngar pu’oged nga but’ nib maligach ngak SOMOL, miyad pag e abich u lan e binem e rran ni polo’. Me lungurad, “Kad denengad nib togopluw ngak SOMOL.” U rom u Mizpah e aram e gin ni pithig Samuel e oloboch u puluwon e girdi’ nu Israel riy.

1 Samuel 7:6 Σταυροειδείς Αναφορές

Genesis 31:49

Miki ga’ar Laban, “I SOMOL e ngi i guydow ko ngiyal’ ni kad wear gow nra bagdow ma gin bay riy.” Ere ku reb i fithingan e regi binaw ney e Mizpah.

2 Samuel 14:14

Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

1 Kings 8:47

ma ngam motoyil ko meybil rok e girdi’ rom. Ma fa’anra yad ra kalngan’rad u lan e re nam nem ngar pi’ed keru’rad ko kireb ngar meybilgad ngom nga rogned ngom gelngin e kireb ni ur ngongliyed, me gur SOMOL e ngam rung’ag e meybil rorad.

1 Kronicles 11:18

Fa dalip i salthaw nib gilbugwarad e rcham niged wo’rad ngar thumurgad nga wuru’ e gin be par e pi Filistia riy, miyad l’ing boch e ran u lan fare luwed, ngar sulweged ngak David. Machane de unum David; ya n’en ni rin’ ngay e pu’og nga but’ nike ognag ngak SOMOL

2 Kronicles 20:3

Me rus Jehoshafat me meybil ngak SOMOL ni nge pow’iy. Ma aram me yog ni ngan pag e abich ngan meybil u lan fare nam ni ga’ngin.

Nehemiah 9:27

aram ma ga pag e pi to’ogor rorad ngar gelgad ngorad miyad par nga tan pa’rad. U fithik’ e gafgow ni yib ngorad miyad ning e ayuw ngom, ma ga fulweg taban e meybil rorad u tharmiy. Runguy rom nib ga’ e mu pi’ ngorad e pi’in ni ngu’ur gagiyeg niged yad ni yad e ra chuweged yad u pa’ e to’ogor rorad.

BABYOR NI JOB 16:20

Pi fager rog e karbarba’ nigedgag’; lan owcheg e be map’ e lu’ riy ngak Got.

BABYOR NI JOB 3:24

Ku gu thilyeg e abich ko meyor; ma da gur tal ko gel’gel’.

BABYOR NI JOB 33:27

Ra yog u fithik’ e yo’or ni nge ga’ar, “Kug denen. Ngongol rog e de mat’aw, machane de thangeg Got.

BABYOR NI JOB 42:6

ere kug tamra’ nga urngin e tin ku gu weliy ma kug kolngan’ug u roy u fithik’ e fiyath nge awat.

Psalms 106:6

Kug denengad ni bod ni i rin’ e pi chitamangimad kakrom; ku’ug pired ni gamad ba kireb ma ba kireb e leam romad.

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Psalms 42:3

Gu be yor ni rran nge nep’, ma lu’ e ke mang ggan ngog; gubin ngiyal’ ni be fitheg e pi to’ogor rog ni be lungurad, “Bu uw e Got rom?”

Psalms 6:6

Ke aw parwog ko meyor; gubin e nep’ nma munur e chob rog nga lu’ag; gayul rog e ke wanum ko lu’.

Psalms 62:8

Gimed pi girdi’eg, nge pagan’med ngak Got ni gubin ngiyal’. Mu weliyed ngak urngin e magfan’ romed, ya ir e manaf rodad.

Jeremiah 31:19

Gu pi’ed keru’mad ngom, machane de n’uw nap’an me pigan’mad ni nggu sulod ngom. U tomuren ni ka mu gechig nagmad, e gup’ed owchemad nga but’ u fithik’ e kireban’. Ya ku gu tamra’gad, nike m’ay famad, ya gu denengad ko ngiyal’ ni gamad bbitir.’

Jeremiah 36:9

U lan e bi mereb e pul ko duw ni lal ni Jehoyakim nib mo’on ni fak Josiah e pilung nu Judah, me pag e girdi’ e abich ni gomang e runguyrad SOMOL. Re abich nem npag e gubin e girdi’ nma par u Jerusalem nge gubin e girdi’ nrabad e ngaram ko yochi binaw nu Judah.

Jeremiah 9:1

Gu be finey ni gomang e lolgeg e ba luwed ko ran, ma lan owcheg e ba athang’el ko lu’, ya nge yag ni gu yor ni rran nge nep’ ni bochan e girdi’ rog ni kan thang e pogofan rorad.

Lamentations 2:11

Ke thow owcheg ko meyor; ni kari kireb lanin’ug. Kethay parwog ko meyor ni bochan e gafgow ko girdi’ rog. Bitir nge madway e yad be paraw nike ma’ gelingrad u lan e yupa’ i kanawo’ u lan fare binaw.

Lamentations 3:49

“Lu’ag e bayi map’ ni bod e lul’ ni dabi tal

Lamentations 5:16

Dakriy ban’en ni magach ko gubin e tin u gu uf’uf gad ngay. Ku’ug denen gad, ere chiney e karug gafgowgad.

Ezekiel 20:4

“Fak e girdi’, kam fal’eg rogom ni ngamog e tin nra buch rorad? Ere mu rin’. Mu pugwuran ngorad e tin nib sonogor ni i rin’ e pi chitmangirad.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.

Levitikus 16:29

Pi gafal ney e nge par ni ngu’un fol riy i yan ngaram. Rofen ni ragag ko pul ni medlip e urngin yu Israel nge girdi’en yug boch e nam ni be par u fithik’rad e thingar ra paged e abich ma dab ra marwelgad.

Levitikus 26:40

“Machane pi’in owchemed e bay ra puwofay niged e denen rorad nge denen rok e pi chitmangirad kakrom ni u ra gel niged lanin’rad mu’ur togopluwgad ngog,

Luke 15:18

Ere nggu sak’iy nggu sul ngak e chitamag nge lungug, “Chitamag, kug ngongliy e tin nib kireb nib togopluw ngak Got ma ba togopluw ngom.

Joshua 18:26

Mizpah, Chefirah, Mozah,

Judges 10:10

Ma aram me yor piyu Israel ngalang ngak SOMOL ni be lungurad, “Kug denengad nib togopluw ngom, ya kug paged gur ni gur e Got romad, kug tedfan fapi kan ni Baal.”

Judges 10:15

Machane me ga’ar e girdi’ nu Israel ngak SOMOL, “Kug denengad. Mu rin’ e tin ga ba’adag, machane wenig ngom, mu ayuwegmad e daba’.”

Judges 2:4

Nap’an ni yog fare engel e re bugithin ney ngorad, me tabab urngin e girdi’ nu Israel ko meyor.

Judges 20:26

Ma aram me yan gubin e girdi’ nu Israel nga talang nga Bethel ngu’ur yorgad. Miyad par nga but’ u rom u p’eowchen SOMOL ni dar ked ban’en nge blayal’. Miyad pi’ e pi maligach nma gapaseg thilin Got nge girdi’ miyad urfiy boch e gamanman ni maligach ni kab polo’ u p’eowchen SOMOL.

Judges 3:10

I yib fare gelngin SOMOL nga daken, me mang ba tagagiyeg nu Israel. Me yan Othniel ko mael, me gelnag SOMOL ko pilung nu Mesopotamia.

1 Samuel 1:15

Me ga’ar Hannah, “Siro’, dawor gu balyang ko rrum. Dawor gu unum e rrum! Ke kireban’ug, ere gu be meybil ni gu be weliy ngak SOMOL e gafgow ni kug tay.

1 Samuel 10:17

Me yog Samuel ni nge mu’ulung e girdi’ ngak SOMOL nga Mizpah;

1 Samuel 12:10

Ma aram miyad ning e ayuw ngalang ngak SOMOL ni be lungurad, ‘Kug denengad, ya kug pi’ed keru’mad ngom, i gur SOMOL, ma gamad be meybil ngak e liyos ni ya’an Baal nge Astarte. Mu chuwegmad u pa’ e pi to’ogor romad, ma gamad par ni gur e bay ug liyorgad ngom!’

1 Samuel 7:15

I Samuel e i gagiyeg u Israel u n’umngin nap’an nib fos.