1 Samuel 7:5 - Bible Ni Thothup

⁵ Ma aram me pining Samuel gubin piyu Israel ni ngar mu’ulunggad nga Mizpah, ni be ga’ar ngorad, “U rom e nggu meybil nagmed riy ngak SOMOL.”

1 Samuel 7:5 Σταυροειδείς Αναφορές

Genesis 20:7

Ere chiney, e ngam fulweg e re pin nir ko pumo’on rok. Ya re pumo’on nir e ba profet ma bayi meybil nigem ndab mum’. Fa’anra dab mu fulweg, ma nggog ngom ni gur nge girdi’ rom e gimed ra yim’.”

Genesis 31:49

Miki ga’ar Laban, “I SOMOL e ngi i guydow ko ngiyal’ ni kad wear gow nra bagdow ma gin bay riy.” Ere ku reb i fithingan e regi binaw ney e Mizpah.

2 Kings 25:23

Ma pi tolang ko salthaw nge salthaw nu Judah ndar pi’ed yad nga pa’ e salthaw nu Babylonia e fa’an rrung’aged ni aram rogon, miyad yan ngak Gedaliah u Mizpah. Pi tolang ko salthaw nem e Ishmael ni fak Nethaniah, nge Johanan ni fak Kareah, nge Serayah ni fak Tanhumeth ni be’ ko binaw nu Netofah, nge Jezaniah ni be’ u Bethmaakah.

Nehemiah 9:1

Rofen ni reliw’ nge aningeg fen ko re pul i n’em, me mu’ulung yu Israel ngar paged e abich ni aram e yad be dag gelngin e kireban’ rorad ko denen rorad, ni kar chuwgad ko mad ni tutuw ma kar ted e fiyath nga fithik’ i lolugrad ni pow nike kolngan’rad.

Jeremiah 40:6

Gu wan gu par ngak Gedaliah u Mizpah nggu par u rom u fithik’ e girdi’ ni magach u lan fare nam.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Joel 2:16

Mu kunuyed e girdi’ nga ta’bang; mu fal’eged rogorad ni fan nga reb e muulung nib thothup; mu kunuyed e pilibthir; mu kunuyed e pi’in bitir, ma ku er rogon e bitir ni kabran. Mus ngak e pi’in kafini mabgol ni thingar ra chuwgad u lan e pi senggil rorad ngar uned ko wub.

Joshua 15:38

ngu Dilean, ngu Mizpah, ngu Joktheel,

Joshua 18:26

Mizpah, Chefirah, Mozah,

Judges 10:17

Ma aram me fal’eg e salthaw nu Ammon rogorad ni fan ko mael marbad ra pired ngalan yu Gilead. Me mukun piyu Israel nga ta’bang ngar pired u Mizpah u lan e nam nu Gilead.

Judges 20:1

Urngin e girdi’ nu Israel ni tabab u Dan ko lel’och me yan i mada’ nga Beersheba u lan e yimuch, ma ku er rogon u lan e nam nu Gilead u lan e ngek, nra fulweged e pong nike yib ngorad. Miyad mu’ulung nike ta’reban’rad u p’eowchen SOMOL u Mizpah.

1 Samuel 10:17

Me yog Samuel ni nge mu’ulung e girdi’ ngak SOMOL nga Mizpah;

1 Samuel 12:17

Chiney e ngal’an e yal’, aray rogon fa dangay? Nggu meybil, ma aram e nge pi’ SOMOL e dirra’ nge n’uw. Ma nap’an nra yodorom, ma aram e ngam nanged ni kam ngongliyed reb e denen nrib gel e kireb riy nib togopluw ngak SOMOL ko fa ngiyal’nem ni mogned ngak ni nge pi’ ba pilung ngomed.”

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

1 Samuel 7:12

Me fek Samuel ba malang nge suweg u thilin yu Mizpah nge yu Shen, me ga’ar, “I SOMOL e ke ayuwegdad i yib ke mada’ ko chiney” — ma aram e tunguy fithingan ni “Malangen e Ayuw.”

1 Samuel 7:16

Gubin e duw nma yan u Bethel nga Gilgal nge nga Mizpah, ngi i pithig e yu pa’ i oloboch.

1 Samuel 7:4

Aram me n’ag piyu Israel e pi liyos ni bay rorad ni ya’an Baal nge Astarte, me par ni kemus ni go’ SOMOL e ur liyorgad ngak.

1 Samuel 8:6

Ma de fel’ u wan’ Samuel e tin karogned ngak ni nge turguy be’ nge par ni pilung rorad; aram me meybil ngak SOMOL,