1 Samuel 7:12 - Bible Ni Thothup

¹² Me fek Samuel ba malang nge suweg u thilin yu Mizpah nge yu Shen, me ga’ar, “I SOMOL e ke ayuwegdad i yib ke mada’ ko chiney” — ma aram e tunguy fithingan ni “Malangen e Ayuw.”

1 Samuel 7:12 Σταυροειδείς Αναφορές

Genesis 22:14

Me tunguy Abraham fithingan e gin’em ni “SOMOL e ma pi’.” I mus ko daba’ nma ga’ar e girdi’, “Ma pi’ SOMOL u daken e burey rok.”

Genesis 35:14

Mu rom, ko gin ni non Got riy ngak, e suweg Jakob reb e malang riy nib puguran me thothupnag ni pu’og e wayin nge gapgep ni olive nga daken.

Psalms 71:17

Kugub bitir ma ga tabab i fonow nigeg, ma ku gu be weliy feni manigil e ngongol rom.

Psalms 71:6

Kug gif ngom u n’umngin e yafos rog; ka nap’an e nni gargelegeg ni gur e um yoror rog. Bay gu pining e sorok ngom ni gubin ngiyal’.

Exodus 17:15

Me toy Moses ba altar me tunguy fithingan ni ga’ar, “I SOMOL e Flak rog.”

Isaiah 19:19

Ra taw ko ngiyal’nem, ma bay ba altar rok SOMOL u lan fare nam nu Egypt nge ba malang ni ka ni suweg nib n’uw ko mathil nu Egypt ni ka ni ognag ngak SOMOL.

Acts 26:22

Machane ke yib i mada’ ko bin daba’ e rran ni i ayuwegneg Got, ere kug sak’iy u roy ni gu be weliy e pin’ey ngomed ni gimed gubin, ni ta’reb rogon e pi’in nsobut’ nge pi’in nib tolang. N’en ni gu be yog e ireray fare n’en ni yog e pi profet nge Moses ni bay yib i m’ug ni lungurad:

2 Korinth 1:10

Susun e nggu m’ad, machane ir e ayuwegmad nda gu m’ad, ma bay i ayuwegmad i yan; me ir e ke l’agan’mad ngak ni bay ki ayuwegmad ko riya’ bayay,

Joshua 4:9

Miki tay Joshua ragag nge l’agruw e malang nga lukngun fare lul’ ni Jordan ko chigin’en ni duwgil fapi prist riy ni kar mat’egned fare Kahol ko M’ag. (Pi malang nem e kabay u rom.)

1 Samuel 14:35

Me toy Saul ba altar ngak SOMOL, ni aram e bin som’on ni toy.

1 Samuel 4:1

Re ngiyal’nem e fal’eg piyu Israel rogorad ngranod ni ngar maelgad e pi Filistine; me yan i par e salthaw nu Israel nga Ebenezer, me par e pi Filistine nga Afek.

1 Samuel 5:1

Nap’an ni fek e pi Filistine fare Kahol ko M’ag rok Got u fithik’ e mael miyad fek u Ebenezer ko binaw nu Ashdod.

1 Samuel 7:11

Me yan piyu Israel nga wuru’ yu Mizpah ngar lol’iged e pi Filistine ngar chugurgad nga Bethkar, ni yad be li’rad ngu’ur m’ad u kanawo’ i yan.