1 Samuel 6:4 - Bible Ni Thothup

⁴ Miyad fith ni lungurad, “Mang mit i tow’ath ni nggu pi’ed nge yan ngak?” Miyad fulweg ni lungurad, “Lal i gol ni kan ngongliy ni bod ya’an e bir nge lal i gol ni ya’an e boro’, nra reb ma pa’ reb e pi pilung ko pi Filistine. Ya ta’ab mit i gafgow e be pi’ nge yib ngomed ni gimed gubin nge ngak fa lal i pilung ko Filistine.

1 Samuel 6:4 Σταυροειδείς Αναφορές

Exodus 12:35

I rin’ piyu Israel ni bod rogon nike yog Moses ngorad, miyad ning ngak piyu Egypt e gol nge nunuw nni ngongliy ko silber, nge mad.

Joshua 13:3

ma ku errogon gubin yang e binaw rok yu Avvim ni bay ko yimuch. (Fare gi binaw ni tabab ko fa chipa’ i lul’ ni Shihor, ni bay ko mathil rok yu Egypt, me yan ko lel’och nib orel nge mada’ ko mathil u Ekron ni yima tay ni tafen piyu Kanaan; pi pilung rok yu Filistia e yad ma par u Gaza, ngu Ashdod, ngu Ashkelon, ngu Gath, ngu Ekron.)

Judges 14:19

Me pi’ SOMOL gelngin nge gel, me yan nga p’ening nga Ashkelon. Me li’ guyey i pumo’on u rom, me fek e chugum rorad, me pi’ e mad rorad ni bfel’ ngak fapi pagel ni kar nanged fan fare salipow. Me sul nga tabinaw rok ni kari damumuw ko ren’em,

Judges 3:3

Tin ni magech u lan fare nam e fa lal i binaw ko Filistine, urngin yu Kanaan, nge yu Sidon, nge yu Hiv ni ur pired u lan fapi Burey nu Lebanon ni tabab ko Burey nu Baal Hermon me yan nge mada’ ko wo’ u thilin e burey u Hamath.

1 Samuel 5:12

Mus ngak e pi’in ndar m’ad ni for e bir u dowrad, me wenig e girdi’ ko pi got rorad ni ngar ayuweged yad.

1 Samuel 5:6

Me gechignag SOMOL e girdi’ nu Ashdod nrib elmerin me yib e marus ngorad nib gel. I gechig nagrad nge girdi’ ko yungi n’en ni bay u to’obrad i yan, ya gagiyegnag e bir nge for u dowrad.

1 Samuel 5:9

Ma nap’an ni taw ngaram miki gechignag SOMOL e re binaw nem me karing e marus ngorad nib gel. Got e gechig nagrad ko bir ni gagiyegnag nge for u downgin urngin e girdi’ ko re binaw nem, ni bitir nge pi’lal.

1 Samuel 6:5

Thingar mu ngongliyed ya’an e bir ni be gafgow nagmed nge boro’ ni be tagannag ban’en u lan e nam romed, ma thingar mu ted fan fare Got nu Israel. Sana ra tal ndabki gechig nagmed nge pi got romed nge nam romed.

1 Samuel 6:8

Mi gimed fek fare Kahol ko M’ag rok SOMOL ngam ted nga daken e re wagon nem, mi gimed fek fapi gol ni ya’an e lot nge boro’ ngam ted ngalan reb e kahol ni bay u to’oben fare Kahol ko M’ag ngam pi’ed ni nge yan ngak ni nge biyuliymed ko denen romed. Mi gimed pag fare wagon ngay gi yan rok.