1 Samuel 6:19 - Bible Ni Thothup

¹⁹ I SOMOL e thang e pogofan rok medlip i ragag e pumo’on nu Beth Shemesh ni bochan e ranod ra chocho’gad ngalan fare Kahol ko M’ag. Me dolo’loy e girdi’ ni bochan e bo’or e girdi’ ni li’ SOMOL u fithik’rad.

1 Samuel 6:19 Σταυροειδείς Αναφορές

2 Samuel 6:7

Ka chingiyal’ nem me damumuw SOMOL ni Got ngak Uzzah nge li’ ngem’ ni bochan e dariy madgun SOMOL u wan’, me yim’ Uzzah u rom u to’oben fare Kahol Ko M’ag.

2 Kronicles 25:21

Ma aram me yan Jehoash ni Pilung nu Israel ko mael nib togopluw ngak Amaziah ni Pilung nu Judah. Ra mada’ gow nga Beth Shemesh u Judah,

Exodus 19:21

Me ga’ar SOMOL ngak Moses, “Mman nga but’ ngam ning chiylen ngak e girdi’ ni dab ra th’abed e mathil ni ngarbad ngar guyed gag, ya ra yim’ bo’or i yad.

Exodus 33:4

Ma fa’ani rung’ag e girdi’ nu Israel ni dabi un Got ngorad, miyad tabab ko meyor, ma dakuriy be’ ni tay e nunuw rok nga downgin.

Numbers 1:51

Gubin ngiyal’ ni gimed ra deg ni ngam marod, ma pi Levite e yad e ngar piliged nga but’ fare Tent ma ku yad e yad ra n’uf ngalang bayay ko gin ni kam turguyed ni aram e gin ngam pired riy e ngiyal’nem. Ma yug be’ ni nge chugur nga charen fare Tent e yira thang e fan rok.

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

Numbers 4:18

“Dab mpagew fare ke girdi’ rok Kohath

Numbers 4:20

Ya fa’anra yan fare ke girdi’ rok Kohath ngalan fare Tent nra guyed fapi prist ni yad be fal’eg rogon fa pin’em nib thothup ni ngan fek, ma yad ra yim.”

Deuteronomy 29:29

“Bay boch ban’en nike tay SOMOL ni Got rodad nib mith rorad; machane ke dag ngodad e Motochiyel rok ni gadad nge pi’in owchedad e ngad folgad riy ni manemus.

Kolose 2:18

Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,

1 Peter 4:17

Ya ke taw nga nap’an ni nge tabab e pufthin, ma pi’in girdi’en Got e yad e som’on ni ngan pufthin nagrad. Ere fa’anra gadad e nge tabab rodad, ma uw rogon nra yan i mus ngak e pi’in nder pagan’rad ko fare Thin Ni Bfel’?