1 Samuel 6:14 - Bible Ni Thothup

¹⁴ Me yib fare wagon ko gin nma woldug Joshua nu Beth Shemesh riy me yib i tal ngaram nga to’oben ba war ni ba ga’. Me sisngiy fapi girdi’ fare wagon nni ngongliy ko ren, miyad li’ fa gal garbaw ngar urfiyed ni maligach ngak SOMOL.

1 Samuel 6:14 Σταυροειδείς Αναφορές

2 Samuel 24:18

Ma karofen nem me yan Gad ngak David nge ga’ar ngak, “Mman nga talang ko gin ni yima n’ag keru’ e grain rok Araunah riy ngam toy ba altar rok SOMOL.”

2 Samuel 24:22

Me ga’ar Araunah, “Gur e en Pilung, mu fek, ngam pi’ ngak SOMOL e tin ni ga be finey. Ba’aray bogi garbaw ni ngam urfiy ni maligach u daken fare altar; ma ba’aray e mat’ nu bilel iginrad nge yungi ren ni fen e man’ag keru’ e grain ngay ni nge mang l’ud.”

2 Samuel 24:25

Ma aram me toy ba altar ku SOMOL me pi’ e pi maligach ni mo’oruf riy nge pi maligach nma gapaseg thilin Got nge girdi’. Me fulweg SOMOL taban e meybil rok, me chuw fare misilpig u lan yu Israel.

1 Kings 19:21

Me yan Elisa i li’ fa wu’ rok e garbaw, nge lith e ufin riy, ni yoke ko fa gal garbaw e mang lud’ riy. Me pi’ fapi ufin ngak e girdi’ ngar longuyed, me yan nge un ngak Elijah ngi i ayuweg.

Exodus 20:24

Mu ubungyed e altar rog ni but’, mi gimed tay e pi maligach ni ngan orfeg nga daken, ni bogi saf nge garbaw ni maligach ngog, nge pi maligach ko gapas u thildad. Ma gu ra yib ngomed nggu fal’eg wa’athmed u gubin yang ni kug turguy ni ngu’um meybilgad riy ngog.

Judges 21:4

Me yan i rran riy nri kakadbul me od e girdi’ ngar toyed ba altar u rom. Miyad pi’ e pi maligach riy nma gapaseg thilin Got nge girdi’ nge boch e maligach ni un urfin ni polo’.

Judges 6:26

Ma ga toy ba altar ni bfel’ rogon i ubung u daken e chi burey ney ni fan ngak SOMOL ni Got rom. Ma ga fek e bin migid e garbaw ni pumo’on ngam urfiy ni polo’ ni maligach, ma ga fanay ni l’ud fare pow rok Asherah ni mu th’ab nga but’.”

1 Samuel 11:5

Ma ka fini sul Saul u milay’ ni yad e garbaw rok, me fith ni ga’ar, “Mang e ke buch? Mangfan ni gubin e girdi’ ni be yor?” Miyad weliy ngak e thin nike yib i yog e pi mol’og nu Jabesh.

1 Samuel 20:29

ni ga’ar, ‘Wenig ngom ngam pageg nggu wan, ya girdi’ nu tabinaw rog e ngar pi’ed e maligach u lan binaw, ma ke pi’ walageg ni pumo’on e thin ke yib ngog ni nggu wan ngaram. Ere fa’anra gur e fager rog, me ere mu guy rogon nggu wan gguy pi girdi’eg.’ Aram fan nde moy u tagil’ ko tebel rom.”

1 Samuel 6:13

Ma bay e girdi’ nu Beth Shemesh u lan e loway ni yad be kunuy wom’ngin e woldug ni wheat. Ma yugu ra changargad miyad guy fare Kahol ko M’ag, me yib e felfelan’ ngorad nrib gel.

1 Samuel 6:18

Ma ku er rogon e gol ni ya’an e boro’, nra reb ma pa’ reb fapi binaw ni fa lal i pilung ko pi Filistine e yad be gagiyegnag, ni pa’ e pi binaw ni ka ni yororiy ni fan ko mael nge pi binaw ndawor ni yororiy. Fare war ni ba ga’ ni bay u lan e flang rok Joshua nu Beth Shemesh, ni ir e ra feked fare Kahol ko M’ag rok SOMOL ngar ted nga daken e kabay u rom, ni ir e be micheg e ran’em.