1 Samuel 6:10 - Bible Ni Thothup

¹⁰ Miyad rin’ e tin kanog ngorad, ra feked l’agruw i garbaw ngar m’aged ko fare wagon, miyad yin’ pifakrow nga tafen e gamanman miyad ning e mab riy.

1 Samuel 6:10 Σταυροειδείς Αναφορές

Genesis 33:13

Me ga’ar Jakob, “Ga manang ni pi’in ni bitir e yad bme’waer, ma thingar gu tafinaynag e saf nge garbaw nge pifakrad. Ya ra ni gur ngorad ni reb e rran, miyad yim’ ni yad urngin.

1 Kings 18:44

Yay ni medlip e sul me ga’ar, “Kug guy bochi yang i manileng ni be yib u fithik’ e day ngalang nde ga’ nga rifrifen pa’ be’.” Me ga’ar Elijah ngak fare tapigpig rok, “Mman mu guy Ahab ni Pilung ngamog ngak ni nge af nga chariot nge sul nga tafen, ya richey ma dakiyag ni bochan e n’uw.”

1 Samuel 6:11

Miyad tay fare Kahol ko M’ag nga daken fare karrow ni wagon, nge fare kahol ni bay fapi gol riy ni ka ni ngongliy ni bod ya’an e boro’ nge bir.

1 Samuel 6:9

Mi gimed yaliy ni nge yan; ya fa’anra sor i yan ko binaw nu Beth Shemesh, ma aram e ke yan i gagiyel ni fare Got nu Israel e ir e ke pi’ e biney e riya’ nib ga’ ke yib ngodad. Ma fa’anra dabi sor ngaram, ma aram e kad nanged ni gathi ir e pi’ e gafgow nge yib ngodad; ma ke yan i aw ni ban’en ni yigi yodorom.”