1 Samuel 5:9 - Bible Ni Thothup

⁹ Ma nap’an ni taw ngaram miki gechignag SOMOL e re binaw nem me karing e marus ngorad nib gel. Got e gechig nagrad ko bir ni gagiyegnag nge for u downgin urngin e girdi’ ko re binaw nem, ni bitir nge pi’lal.

1 Samuel 5:9 Σταυροειδείς Αναφορές

Psalms 78:66

Me tuluf e pi to’ogor rok ngar sulod ni ka ra waergad ma ka ra tamra’gad.

Amos 5:19

Ra yan i par ni bod be’ ni mil rok ba layon me mada’ nag ba bear! Ara bod be’ ni yib nga tabinaw rok me gif nga pa’ nga downgin e rungrung me k’ad ba porchoyog pa’!

Deuteronomy 2:15

I SOMOL e par ni be togopluw ngorad nge mada’ ko ngiyal’ nike thirifrad u but’ ni yad gubin.

1 Samuel 12:15

Machane fa’anra dab mu telmed ngak SOMOL mi gimed par ndab mu folgad ko tin keyog, mra togopluw ngomed nge pilung romed.

1 Samuel 5:10

Miyad pi’ fare Kahol ko M’ag nge yan ko binaw nu Ekron; fa’ani taw ngaram me non e girdi’ ni ba ga’ lamrad ni lungurad, “Kar feked fare Kahol ko M’ag rok fare Got nu Israel i yib ngaray ni nge li’dad ni gadad gubin!”

1 Samuel 5:11

Miyad pi’ bayay e thin nge yan ngak urngin fapi pilung ko Filistine ni ngarbad, me lunguy ngorad, “Mu pi’ed fare Kahol ko M’ag rok yu Israel nga ni yan ni tay ko gin ni immoy riy, nge dabi thang e fan rodad nge girdi’en e tabinaw rodad.” Ma ke yib e marus nib gel ngak e girdi’ u lan fare binaw ni ga’ngin ni bochan e rib gel e gechig ni be tay Got ngorad.

1 Samuel 5:6

Me gechignag SOMOL e girdi’ nu Ashdod nrib elmerin me yib e marus ngorad nib gel. I gechig nagrad nge girdi’ ko yungi n’en ni bay u to’obrad i yan, ya gagiyegnag e bir nge for u dowrad.

1 Samuel 6:11

Miyad tay fare Kahol ko M’ag nga daken fare karrow ni wagon, nge fare kahol ni bay fapi gol riy ni ka ni ngongliy ni bod ya’an e boro’ nge bir.

1 Samuel 7:13

Aram me waer e pi Filistine, me talegrad SOMOL ndakiyag ni ngarbad ni mael ko gin ntafen piyu Israel u n’umngin nap’an e yafos rok Samuel.