1 Samuel 4:9 - Bible Ni Thothup

⁹ Filistine, mu athamgilgad ngam chamgad nrogon e pumo’on, ya ra danga’, ma ngad manged sib rok e pi Hebrew, ni bod rogon ni ur pired ni yad e sib rodad. Ere ngad chamgad nrogon e pumo’on!”

1 Samuel 4:9 Σταυροειδείς Αναφορές

2 Samuel 10:12

Mu gelnigem mag athamgil! Mman ngad chamgow nib gel ni fan ngak e girdi’ rodow ma fan ko pi binaw rok e Got rodow. Ma tin ba’adag SOMOL e ngan rin’!”

Isaiah 14:2

Pire’ e nam ni bayi ayweg e girdi’ nu Israel ngar sulod ko fare nam ni pi’ SOMOL ngorad, mu rom e bayi pigpig e pi nam riy ngak piyu Israel ni bod e sib. Pi’in nra koled piyu Israel e bayi mang yu Israel e kolrad e chiney, ni girdi’ nu Israel e bay ur gagiyeg niged e pi’in ur gafgow niged yad.

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

1 Korinth 16:13

Mu ayuwgad, mpired ni gimed bmuduwgil u fithik’ e michan’ romed ngak Kristus, dab mu rusgad, mpired ni gimed ba gel.

Judges 10:7

Ma aram mri damumuw SOMOL ngak piyu Israel, me pag yu Filistia nge piyu Ammon ngar gelgad ngorad.

Judges 13:1

Miki denen piyu Israel bayay nib togopluw ngak SOMOL, me pag piyu Filistia nge mang yad e ur gagiyeg niged piyu Israel ni aningeg i ragag e duw.

1 Samuel 14:21

Ma pi Hebrew ni urmed u ba’ rok e pi Filistine nra uned ngorad ngranod ra pired ko gin ni yan i par e pi salthaw ko Filistine ngay, e ra chuwgad u ba’ rok e pi Filistine ngarbad ra uned nga ba’ rok Saul nge Jonathan.

1 Samuel 4:8

Mini’ e ku rayag rok ni nge ayuwegdad u pa’ e pi got nem nrib gel? Ya yad fapi got nra li’ed piyu Egypt u daken e ted ni desert!