1 Samuel 4:17 - Bible Ni Thothup

¹⁷ Me fulweg fa’anem ni kanol’og ni ga’ar, “Piyu Israel e kar milgad rok e pi Filistine; ya kad waergad! Ma ku er rogon fa gal pumo’on ni fakam i Hofni nge Finehas ni kan li’row kar m’ow, ma ka ni fek fare Kahol ko M’ag rok Got!”

1 Samuel 4:17 Σταυροειδείς Αναφορές

Psalms 78:61

Me pag e pi to’ogor romad ngar koled fare Kahol ko M’ag, ni aram e pow u gelngin nge felngin.

Psalms 78:64

Prist e nli’rad ko saydon, ma pi le’engirad e dan pagrad ni ngar mowawgad.

1 Samuel 2:34

Ma rofen nra yim’ fa gali pumo’on ni fakam ni Hofni nge Finehas, e aram e bay mu nang ni tin kugog ngom e bay i yib i m’ug nib riyul’.

1 Samuel 3:11

Me ga’ar SOMOL ngak, “Bay gu ngongliy ban’en ngak piyu Israel nrib gel e gafgow riy, ni gubin e girdi’ ni bay rrung’aged murung’agen e yad ra dada’ ngay.

1 Samuel 3:12

Rofen nem e bay gu pi’ urngin e gafgow ni kugog ni bay gu pi’ ngak e tabinaw rok Eli, ni tin gog ko som’on nge yan i mada’ ko tin tomur.

1 Samuel 4:16

Me ga’ar fare mo’on, “Kug thay ko mael, ma kug mil u rom kug mada’ ngaray e daba’.” Me fith Eli ngak ni ga’ar, “Fakag, mang e kan rin’?”

1 Samuel 4:18

Fa’ani yog e re mo’on nem murung’agen fare Kahol ko M’ag ni aram rogon, me thig Eli u chiya rok nga keru’ u rom u to’oben e garog. Ma kari pilibthir nike par ni gathi ba’achig, me thig nga but’ me m’ing k’angan nge yim’. Ma nga aningeg i ragag e duw ni i par ni ir e be yog e thin rok e girdi’ nu Israel.