1 Samuel 31:8 - Bible Ni Thothup

⁸ Reb e rran nga tomuren fare mael me yan piyu Filistia ni ngar lufed madan e mael u downgin e ldow, miyad pir’eg Saul nge fa dalip i pumo’on ni fak ni yad bay ko burey ni Gilboa ni karm’ad.

1 Samuel 31:8 Σταυροειδείς Αναφορές

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

2 Samuel 1:21

“Manga yigi siy i aw e n’uw ara wa’angachal nga daken e yungi ted nu Gilboa; manga yigi par daken e ted riy ndab ki tugul ban’en riy. Ya fapi shield ni fen fapi salthaw nib falu’ ko mael e ke par u daken e but’ u rom ni kem’ay fan, fa gi shield rok Saul e daknir gapgepnag.

1 Kronicles 10:8

Me reb e rran riy me sul e pi Filistine ko gin un mael riy ni ngar feked fapi talin e cham ko fapi salthaw nu Israel ni karmad’. Nap’an nra pir’eged downgin Saul nge fapi pagel ni fak u daken fare burey ni Gilboa.

2 Kronicles 20:25

Me yan Jehoshafat nge pi salthaw rok i yan ko fa gin ngar feked e chugom ni bay riy, miyad pir’eg e garbaw nib yo’or, nge chugom, nge mad, nge ku boch ban’en nib tolang pulwon. Dalip e rran nra pired u rom ni yad be kunuy fa pin’em, machane kaygi pag oren ni de yag ni ngar feked ni gubin.

1 Samuel 28:4

Me mu’ulung e salthaw rok e pi Filistine ngarbad ra pired nga to’oben e binaw nu Shunem; me ulunguy Saul piyu Israel ngranod ra pired ko burey ni Gilboa.

1 Samuel 31:7

Nap’an ni guy piyu Israel ni yad bay u ba’nem e loway u Jezreel ko ngek ko lul’ ni Jordan nike mil e salthaw nu Israel ma kan li’ Saul nge fapi pumo’on ni pifak, miyad n’ag e pi binaw rorad ngar milgad. Ma aram me yib e pi Filistine ngarbad ra pired ngalan fapi binaw.

1 Samuel 31:9

Miyad th’ab e k’ong rok Saul ngar lufed lolugen, miyad fek talin e cham rok, miyad l’oeg e pi mal’og ni karfeked e pin’em ngranod u ga’ngin yang yu Filistia ngar weliyed e re thin ni bfel’ ney ngak e pi liyos rorad nge ngak e girdi’ rorad.