1 Samuel 31:4 - Bible Ni Thothup

⁴ Me ga’ar ngak fare pagel ni be fek talin e cham rok, “Mu girengiy e saydon rom u tafen ngam li’eg nggum’, ya nge dabyag ni moning nigeg e pi Filistine ney ndar nanged Got miyad thang e fan rog.” Machane fare pagel e ka yigi gel e marus ngak nde yag ni rin’. Ma aram me girengiy Saul e birok e saydon u tafen nge pag ir nga taban.

1 Samuel 31:4 Σταυροειδείς Αναφορές

2 Samuel 1:1

Nap’an ni yim’ Saul, me sul David nike gel ngak e pi Amalekite ko mael, me yib i par nga Ziklag ni l’agruw e rran.

2 Samuel 1:14

Me fith David ngak ni ga’ar, “I di’in me math’ magaren rom ni ngam li’ e pilung ni SOMOL e turguy?”

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

2 Samuel 1:6

Me fulweg ni ga’ar, “Gu bay u daken e burey ni Gilboa, mu gguy Saul nike rugoy taban e sarey rok nga fithik’ e but’ ke duwgil ngay, ma aram e ke yib e pi chariot rok e to’ogor nge ku er i tay e girdi’ nike af nga daken e os ni yad be chugur i yib ngak.

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

2 Samuel 21:12

me yan i fek e yilen Saul nge Jonathan ni fak, rok e girdi’ nu Jabesh u lan yu Gilead. (Ra iringed e pi yil nem u lan fare gin’en ni lulukngun yu Beth Shan, ko gin ni tining e pi Filistine fapi ldow riy ngalang ko fare rran nra li’ed Saul nge yim’ u daken fare Burey ni Gilboa.)

1 Kings 16:18

Nap’an ni guy Zimri ni nge waer fare binaw, me yan nga langgin e yoror ni fan ko mael ko fare naun ni tafen e pilung, me yip’ e nifiy ko fare naun, me yim’ u fithik’ e daramram.

1 Kings 16:27

Gubin e tin kabay ni i rin’ Omri nge urngin e pin’en ni i thognag e go’ kan yoloy ngalan Chepin e Pilung nu Israel.

1 Kronicles 10:4

Me ga’ar Saul ngak fare pagel ni be fek talin e cham rok, “Mu girengiy e saydon rom ngam thang e fan rog, ya nge dabi girig e pi Filistia ngog ndar nanged Got.” Machane ri be rus fare pagel ni nge rin’. Ma aram me fek Saul e saydon rok nge pag ir nga p’ebugul.

Judges 14:3

Machane me ga’ar e chitamngin nge chitiningin ngak, “Mangfan ni ngam man ko tinir e Filistine ni dar nanged Got ni ngam le’engiy bagyad? Mog, dabiyag ni ngam gay reb e rugod ko karodad e girdi’, u fithik’ e tirodad e girdi’?” Machane me ga’ar Samson ngak e chitamngin, “I ir e kug leamnag ni ngam marow mu ningew, ya gu ba’adag.”

Judges 9:54

Ma aram me gur nge pining be’ nib pagel ni ir e ma fek talin e cham rok nge ga’ar ngak, “Mu girengiy e saydon rom ngam li’eg nggum’. Ya dabnog ni be’ ni bpin e ke li’eg.” Ma aram me kuruf fare pagel e saydon ngak nge for u barba’ rok nge yim’.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.

1 Samuel 26:10

Miki ul ul David ngay nge ga’ar, “I SOMOL ni be par nib fos, e ir e bayi thang e pogofan rok Saul, ndemturug ko bay yim’ nrogon e yam fa bay yim’ u fithik’ e mael.

1 Samuel 31:5

Me guy fare pagel nike yim’ Saul, ma aram miki pag ir nga taban e birok e saydon nge un ngak Saul ko yam’.