1 Samuel 31:13 - Bible Ni Thothup

¹³ Miyad fek e yil rorad ngar k’eyged nga tan ba ke gek’iy ni tamarisk u Jebesh, miyad pag e abich ni medlip e rran.

1 Samuel 31:13 Σταυροειδείς Αναφορές

Genesis 35:8

Yarif rok Rebekah ni Deborah e yim’ min k’eyag ngatan bake gek’iy ni oak ko yumuch u Bethel. Ma aram min tunguy fithngan ni “Oak ko miyor.”

Genesis 50:10

Fa’anra tawgad ko gin ni yima gunugunuy e grain riy u Atad, ni bay ko ngek ko lul’ ni Jordan, miyad dololoy’ u rom nib n’uw nap’an ni kari kireban’rad, me un Josef ngorad ngar mowaw niged e chitamngin ni medlip e rran.

2 Samuel 1:12

Miyad par ni kari kireban’rad ma yad be yor, mra pired ndar abichgad nge yan i mada’ ko blayal’ ni bochan Saul nge Jonathan, nge fan ngak yu Israel, ni girdi’ rok SOMOL, ni bochan e pire’ i yad e kan li’ ko re mael nem.

2 Samuel 11:26

Fa’ani rung’ag Bathsheba ni kan li’ e pumo’on rok ke yim’, me mowawnag.

John 11:19

ma aram e pire’ e girdi’ nu Israel ni karbad ni ngar guyed Martha nge Maria ni ngar puruy’gad ngorow ni bochan e yam’ nike tay walagrow ni pumo’on.

1 Samuel 22:6

Me reb e rran ni bay Saul u lan yu Gibeah, nike par nga tan bake gek’iy ni tamarisk u daken e ted, ni bay e sarey rok u pa’, ma gubin e pi tolang ko salthaw rok ni kar sak’iygad ni yad ba liyeg. Minog ngak ni David nge pi’in yad be un ngak e kan pir’eg e gin yad bay riy,