1 Samuel 31:1 - Bible Ni Thothup

¹ Me m’ag piyu Filistia e mael ngak piyu Israel ko burey ni Gilboa. Pire’ piyu Israel nra m’ad u rom, ma tin ni magey e mil.

1 Samuel 31:1 Σταυροειδείς Αναφορές

2 Samuel 1:21

“Manga yigi siy i aw e n’uw ara wa’angachal nga daken e yungi ted nu Gilboa; manga yigi par daken e ted riy ndab ki tugul ban’en riy. Ya fapi shield ni fen fapi salthaw nib falu’ ko mael e ke par u daken e but’ u rom ni kem’ay fan, fa gi shield rok Saul e daknir gapgepnag.

2 Samuel 1:6

Me fulweg ni ga’ar, “Gu bay u daken e burey ni Gilboa, mu gguy Saul nike rugoy taban e sarey rok nga fithik’ e but’ ke duwgil ngay, ma aram e ke yib e pi chariot rok e to’ogor nge ku er i tay e girdi’ nike af nga daken e os ni yad be chugur i yib ngak.

2 Samuel 4:4

Ma ku reb e pi’in owchen Saul e Mefiboseth ni be’ nib pumo’on ni fak Jonathan. Mefiboseth e lal e duw yangren min li’ Saul nge Jonathan ngar m’ow. Nap’an ni yib e thin ni murung’agen e yam’ ni kartew u lan fare binaw nu Jezreel, ma fa’en ni yarif rok i Mefiboseth, e chibiy fare tir ngalang nge milnag; machane bochane e be gurgur me mul u pa’ nga but’, ma aram mepar nike mugutgut.

1 Samuel 12:25

Machane fa’anra um pired niki gimed be denen i yan, ma bay nthirifmed u but’ nge pilung romed.”

1 Samuel 28:1

Ma fa’ani bingyal’ me ulunguy piyu Filistia e salthaw rorad ni ngar maelgad ngak piyu Israel, me ga’ar Akish ngak David, “Ngam nang ni gur nge salthaw rom e ngam uned ngog ko mael.”

1 Samuel 28:15

Me ga’ar Samuel ngak Saul, “Mangfan ni gu be toffan ma ka mub mmagawon nigeg? Mangfan ni kam piningeg ku gub?” Me fulweg Saul ni ga’ar, “Ke yib e gafgow ngog ni ba ga’! Pi Filistine e kar m’aged e mael ngog, ma ke n’igeg Got. Ra gu fith ban’en ngak ma dakir fulweg, ndakir fulweg taban u l’ugun e pi profet ara u malik’ay. Aray fan ni kug piningem ni ngamog ngog e n’en nthingar gu rin’.”

1 Samuel 28:19

Bayi pi’em nge piyu Israel nga pa’ e pi Filistine. Gabul e gur nge fapi pumo’on ni fakam e bay mbad ko bin gu bay riy e tamilang, ma ku bayi pi’ SOMOL e salthaw nu Israel nga pa’ piyu Filistia.”

1 Samuel 28:4

Me mu’ulung e salthaw rok e pi Filistine ngarbad ra pired nga to’oben e binaw nu Shunem; me ulunguy Saul piyu Israel ngranod ra pired ko burey ni Gilboa.

1 Samuel 29:1

Me pining yu Filistia urngin raba’ e salthaw rorad nga ta’bang nga Afek, ma ku aram e ngiyal nike n’uf piyu Israel e tent rorad ko fare alublub nu lane Loway ni Jezreel.