1 Samuel 30:6 - Bible Ni Thothup

⁶ Kari magawon David e ngiyal’nem, ni bochan e gubin e pi salthaw rok ma kari buch laniyan’rad ngak pifakrad ni kanfek, ere kar weliyed ni ngar malang niged David; machane SOMOL ni Got rok e pi e athamgil nga laniyan’.

1 Samuel 30:6 Σταυροειδείς Αναφορές

Genesis 32:7

Me par Jakob ni kari rus ma be wagagey laniyan’. Me ruw raba’nag e girdi’ ni yad be un ngak, ma ku er i tay e saf rok nge kaming, nge garbaw, nge kamel ngar pired ni yad ruw ulung.

2 Samuel 17:8

Ga manang ni David ni chitamam nge tin ke un ngak e girdi’ e yad ba falu’ ko mael, yad bod feni damumuw ba gamanman ni bear ni bay u magerger ni kan leag pifak rok. Chitamam e be’ nike n’uw nap’an ni i un ko mael, ere ra nep’ ma dabi par rok e tin ke un ngak e salthaw.

2 Kings 4:27

Ma fa’ani yib ngak Elisa me yib i paraw nga but’ me kol rifrifen ay. Me yib Gehazi ni nge therbeg fare pin nga orel, machane me ga’ar Elisa, “Mfan rok e cha’nir. Damur guy ni kari kireban’? Ma dariy ban’en nike yog SOMOL ngog u murung’agen e tin ke buch rok.”

BABYOR NI JOB 13:15

Ke mulan’ug ko gubin, are fa’anra thang Got e fan rog ma ridi’in? Nggu wan gu weliy lanin’ug ngak.

Psalms 116:10

Gu be par ni bay e mich rog, ni mus ko ngiyal’ ni lungug, “Kar gu masengseng,”

Psalms 138:3

Kam fulweg lungug u nnap’an ni gu piningem; gelngim e mu gel nigeg ngay.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 18:6

U fithik’ e mo’maw’ rog mu gu pining SOMOL; gu pining e Got rog ni nge ayuw. I rung’ag lamag ngalan e tempel rok; i motoyil ko meyor rog ni man ayuw.

Psalms 25:17

Mu chuweg e magafan’ rog ni kug aw nga fithik’, ma ga chuwegneg u fithik’ urngin e oloboch rog.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Psalms 31:24

Mu gel niged gimed, me muthan’med, gimed gubin e pi’in nike lagan’med ngak SOMOL.

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 42:5

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 56:11

Dab gu rus ya ir e ba pagan’ug ngak. Mang e rayag ni nge rin’ ba girdi’ ngog?

Psalms 62:1

Gu be gum’an nigeg gu be sonnag Got ni nge ayuwegneg; kemus ni ir e gu ma toer ngak.

Psalms 62:5

Kemus ni Got e gu be toer ngak; ni ir ke l’agan’ug ngak.

Psalms 71:4

Got rog, mu lageg u pa’ e pi’in kireb, ngu pa’ e pi’in darir runguyed e girdi’ nge pi’in kireb e leam rorad.

Psalms 71:5

SOMOL nib Th’abi Tolang, i gur e ke l’agan’ug ngom; ke pagan’ug ngom ni ka nap’an ni kugub bitir.

Exodus 17:4

Mri meybil Moses ngak SOMOL ni ga’ar, “Mang e nggu rin’ ngak e pi girdi’ ney? Ya ke chugur ni ngar malang nigedgag nggum’.”

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jonah 2:2

“U fithik’ e buchbuchan’ rog, a SOMOL, mu gu piningem ma ga fulweg lungug. U ar u lan e fayleng ko yam’ e gu yornag e ayuw, ma ga rung’ag lungug.

Numbers 14:10

Ma be yan yu Israel ni ngar malang niged yow ngar m’ow, ma yigi gin e girdi’ ma ke m’ug ram’en SOMOL nib mluplup’ u daken fare Tent ni be dag ni bay u rom.

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

Matthew 27:22

Me fithrad Pilate ni ga’ar, “Ere mang e nggu rin’ ngak Jesus ni kan pining Kristus ngak?” Miyad fulweg ni yad gubin ni lungurad, “Mu richibiy ko kuruth!”

John 8:59

Miyad fek e malang ni ngar paged ngak; machane me mithag Jesus ir nge chuw u lan fare Tempel.

Roma 4:18

Ngiyal’ ni yan i m’ug nsusun e dakuriy rogon ni nge pagan’ Abraham ko tin ni yog Got ngak, e aram e par Abraham ni kab mich Got u wan’ ma be pagan’ ko tin ke yog Got ngak, ma aram me yag ni mang “chitamngin bo’or e nem.” Nri bod rogon ni be yog e babyor nib thothup ni be ga’ar, “Pi’in bay rabad ni owchem e yad ra pire’ ngar boded urngin e t’uf u lanelang.”

Roma 4:20

Ma de maruwar Got u wan’ ma ku de maruwar u wan’ e tin ni yog Got ni bayi rin’ ngak; me yib gelngin u daken e michan’ rok ngak Got, me pining e magaer ngak Got.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

2 Korinth 1:6

Fa’an gamad ra gafgow, ma bochan e nggu ayuweged gimed ngam thapgad ngak Got; ma fa’anra kan ayuwegmad, me ere ku errogon gimed ni kkun ayuwegmed ma kan pi’ gelngimed ni ngam athamgiliyed u fithik’ e gumaen’ e re mit i gafgow ni ku ir e gamad be athamgiliy.

2 Korinth 4:8

Pire’ yay nike ingmad e gafgow ke pir’iymad u gubin yang, machane da gu masengsenggad; yu ngiyal’ e bay n’en ma da ku gu nanged e n’en ni nggu rin’ed, machane der mulan’mad;

2 Korinth 7:5

I mus ko ngiyal’ ni gu tawgad riy nga Macedonia ma ku de yag ni gu toffangad. Ya gubin yang ma ug pir’eged e gafgow riy, ma gamad be malu’ag thin e girdi’, ma gamad be rus.

Hebrews 13:6

Ere dab kud tamdaggad ma nge lungudad, “I Somol e ir e be ayuwegneg, ere dab gu tamdag! Mang e rayag ni nge rin’ e girdi’ ngog?”

Judges 18:25

Me ga’ar piyu Dan ngak, “Kabfel’ ndab kumog ban’en fa ga ba’dag ni nge damumuw e pi pumo’on ney ngar chamgad ngom. Ya ga ra yim’ nge chon e tabnaw rom ni gubin.”

Judges 20:22

Ma aram me yan yu Israel nga tagil’ e meybil ngar yorgad u p’eowchan SOMOL nge mada’ ko blayal’. Miyad fith ngak ni lungrad, “Mog, ngar kug warod bayay ko cham ngak pi walagmad nu Benjamin?” Me fulweg SOMOL ni ga’ar, “Arrogon.” Ma aram miki athmagil lanyan’ fare raba i salthaw nu Israel, miyad tay e salthaw rorad nga tagil’rad bayay, ko gin ni urmed riy e bin som’on e rran.

1 Samuel 1:10

I Hannah e kari kirban’, ma aram me meybil ngak SOMOL ni be yor nib gel.

1 Samuel 23:16

Me yan Jonathan ngak e ngaram ngi i pi’ e athamgil nga lanyan’ ma be puguran e ayuw rok Got ngak,

1 Samuel 28:15

Me ga’ar Samuel ngak Saul, “Mangfan ni gu be toffan ma ka mub mmagawon nigeg? Mangfan ni kam piningeg ku gub?” Me fulweg Saul ni ga’ar, “Ke yib e gafgow ngog ni ba ga’! Pi Filistine e kar m’aged e mael ngog, ma ke n’igeg Got. Ra gu fith ban’en ngak ma dakir fulweg, ndakir fulweg taban u l’ugun e pi profet ara u malik’ay. Aray fan ni kug piningem ni ngamog ngog e n’en nthingar gu rin’.”