1 Samuel 30:1 - Bible Ni Thothup

¹ Me yan l’agruw e rran me taw David nge salthaw rok nga Ziklag. Ma pi Amalekite e karbad ra maelgad nga ley ni yimuch yu Judah ma kar chamgad nga Ziklag. Kar urfiyed fare binaw nga but’

1 Samuel 30:1 Σταυροειδείς Αναφορές

Genesis 24:62

Ma ke yib Isak nga daken e ted ko fare luwed ni kanog fithingan ni “Luwed Rok Fa’anem ni be Par Nib Fos Ma Be Guyeg,” mma par u ba’ ni yimuch u Kanaan.

2 Samuel 1:1

Nap’an ni yim’ Saul, me sul David nike gel ngak e pi Amalekite ko mael, me yib i par nga Ziklag ni l’agruw e rran.

2 Samuel 1:2

Me reb e rran riy me taw be’ nib pagel ni yib ko gin ni ba’aram ni n’uf Saul nge pi salthaw rok e tent rorad riy ngar pired riy. Ma ke guchthuy e mad u daken, ma ke tay e but’ nga fithik’ i lolugen, ni aram e be dag ni kari kireban’. Me yib ngak David me yib i siro’ ngak ni aram e ke tay fan David.

2 Samuel 1:8

Me fith ngog ko gag mini’, mu gu weliy ngak ni gag ba Amalekite.

2 Samuel 15:18

Me sak’iy e pi tolang rok u to’oben, me yib e pi matanagen David, ra th’abed p’eowcherad ngranod ni yad ba chugur ngorad. Ma 600 e salthaw nra uned ngak David u Gath e kurbad ra th’abed p’eowcherad ngranod ni ku aram rogon,

1 Kronicles 12:21

Ur pigpiggad ngak David ni yad e pi tolang ko fa yu raba’ i salthaw rok, ni bochan e go’ yad bogi salthaw nib falu’. Me munmun miyad mang tolang u lan fa raba’ i salthaw nu Israel.

1 Kronicles 12:22

Ba chugur ni nge gubin e rran me yib boch e pumo’on nib be’ech i un ko fa yu raba’ i salthaw rok David, ma aram me ga’ fa raba’ i salthaw rok nrib papey.

Jeremiah 41:12

Me un e salthaw rorad ngorad ngar lol’ged ngar koled u charen fare lipath nib ga’ u Gibeon.

Joshua 11:6

I SOMOL e ga’ar ngak Joshua, “Dab mu rus ngorad. Re ngiyal’ i n’ey gabul e bay gu li’rad ngarm’ad ni fan ngak yu Israel. Me gur e ngam th’ab e garaw u ay e pi os rorad ma ga urfiy e pi chariot rorad.

Joshua 15:31

ngu Ziklag, ngu Madmannah, ngu Sansannah,

1 Samuel 15:7

Me gel Saul ngak e pi Amalek, ni cham u Havilah nge mada’ nga Shur, ni bay ko ngek u Egypt;

1 Samuel 15:8

me fek Agag ni Pilung ko pi Amalek nde li’ ngem’, me li’ urngin e girdi’.

1 Samuel 27:6

Ma aram me pi’ Akish fachi binaw nu Ziklag ngak, ma aray fan ni yu Ziklag e ba milfan ngak e pi pilung nu Judah ni ka aram nap’an i yib.

1 Samuel 29:10

David, arme nge gabul ni kakadbul ma gimed urngin e pi’in mu chugad rok Saul kambad ngog e ngam odgad nib kakadbul ma ngay gi m’ug e yal’ ma kam chuwgad.”

1 Samuel 29:11

Ma aram mi yigi kakadbul u reb e rran me tabab David nge pi salthaw rok ko sul i yan nga Filistia, ma piyu Filistia e ranod nga Jezreel.

1 Samuel 29:4

Machane fapi tolang ko salthaw nu Filistia e ra damumuwgad ngak Akish me lungurad ngak, “Mu l’oeg e re mo’on nir nge sul ko fare binaw ni kam pi’ ngak. Dab mu pag nge un ngomad ko mael; ya richey mechel nge cham ngomad ko ngiyal’ ni yibe mael. Fa ku bu uw reb e kanawo’ ni kura fal’eg laniyan’ e masta rok ngak ni bod e yam’ nra tay e salthaw rodad?

1 Samuel 30:14

Kug maelgad ko fa gin ni tafen e pi Kerethite u ley ni yimuch yu Judah nge fa gin tafen fare ke girdi’ rok Kaleb, ma kug urfiyed nga but’ fare binaw nu Ziklag.”