1 Samuel 29:9 - Bible Ni Thothup

⁹ Me fulweg Akish ni ga’ar, “Ku errogon ni gu be leamnag.” Me ga’ar Akish, “Kug tem ni gab yul’yul’ ni bod ba angel rok Got. Machane tin ba’aram e pilung e karogned ndabiyag ni ngam un ngomad i yan ko re mael ney.

1 Samuel 29:9 Σταυροειδείς Αναφορές

2 Samuel 14:17

Siro’, ug leamnag ni n’en ni ga ra michig e ra aywegeg ni dabi buch ban’en rog, ni bochan en pilung e bod e engel rok Got ma rayag ni ki’eg e fel’ ko kireb. Ngi i par rom SOMOL ni Got rom!”

2 Samuel 14:20

Machane ke rin’ ni bochan e nge yal’uweg e re pa’ i oloboch ney. Gure en Pilung e gab gonop ni bod e engel rok Got ma gamnang urngin e tin be buch.”

2 Samuel 19:27

Tin ni weliy ngom ni murung’ageg e de riyul’, machane gur e ga bod e engel rok Got, ere mu rin’ e tin ni ga be finey ni ir e mmat’aw.

Galatia 4:14

Machane da mu darifan niged gag ara mu siyeged gag ndab gu machib ngomed, ni yugu aram rogon nib gel e gafgow ni mu ted ko liliy ni bay rog. Machane mu t’ufeged gag ni bod rogon ni gimed ra t’ufeg ba engel rok Got; mu t’ufeged gag ni bod rogon ni gimed ra t’ufeg Kristus Jesus!

1 Samuel 29:4

Machane fapi tolang ko salthaw nu Filistia e ra damumuwgad ngak Akish me lungurad ngak, “Mu l’oeg e re mo’on nir nge sul ko fare binaw ni kam pi’ ngak. Dab mu pag nge un ngomad ko mael; ya richey mechel nge cham ngomad ko ngiyal’ ni yibe mael. Fa ku bu uw reb e kanawo’ ni kura fal’eg laniyan’ e masta rok ngak ni bod e yam’ nra tay e salthaw rodad?