1 Samuel 27:2 - Bible Ni Thothup

² Ma aram me yan David nge fa 600 i salthaw rok ni kachingiyal’ nem ngak Akish nib mo’on ni fak Maoch, ni pilung nu Gath.

1 Samuel 27:2 Σταυροειδείς Αναφορές

1 Kronicles 12:1

I par David u lan yu Ziklag, ko gin ke yan ngay ni be mil rok Saul ni Pilung. Mu rom e yag boch e salthaw ngak riy nib pagan’uy ngorad ma ke yo’or e mael ni karun’ed ngay,

1 Samuel 21:10

Ma aram me chuw David u rom, ni be mil rok Saul, me yan ngak Akish ni Pilung nu Gath.

1 Samuel 21:11

Me ga’ar fapi tolang rok e en ni pilung ngak Akish ni ir e pilung, “Gathi irera’ David ni Pilung ko nam rok? Irera’ fare mo’on nra i churu’ e pi’in ni ppin ma yad be yin’ tangin ni be lungrad, ‘I Saul e thang e fan rok yu biyu’, machane David e thang e fan rok yu ragag e biyu’.’

1 Samuel 25:13

Me ga’ar ngorad, “Mm’agged e saydon romed nga lukngumed!” Miyad rin’ ni bod nike yog. Ma ku errogon David niki m’ag e saydon rok nga lukngun mranod gonap’an 400 ko salthaw rok, miyad pag 200 e salthaw ngu’ur matnagiyed e chugum rorad.

1 Samuel 30:8

Me fith David SOMOL, “Rayag ni nggu lek daken e pi’in karbad ngaray ko mael? Mog, rayag ni gu kolrad?” Me fulweg SOMOL ni ga’ar, “Mu lek dakenrad; ya ga ra kolrad ngam ayweg e pi’in kan fekrad.”

1 Samuel 30:9

Ma aram me yan David nge fa n’el mir’ay i salthaw rok, ma nap’an nra tawgad ko l’ul ni Besor, me par bochi yad u rom.