1 Samuel 26:5 - Bible Ni Thothup

⁵ Kangiyal’ nem me yan David nge yan i guy e chingi n’en nike mol Saul riy nge Abner nib mo’on ni fak Ner, ni ir e ba tolang ko fa raba’ i salthaw rok Saul. Ma ke mol Saul u lan e tent, ma pi salthaw rok e kar n’ufed e tent rorad nib liyeg Saul.

1 Samuel 26:5 Σταυροειδείς Αναφορές

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

1 Kronicles 9:39

Ner e chitamngin Kish, me Kish e chitamngin Saul. Me Saul e aningeg e pagel ni fak: Jonathan, Malkishua, Abinadab, nge Eshbaal.

1 Samuel 17:20

Me od David nri kakadbul u reb e rran riy, me tay be’ ni nge guy e saf, me fek fapi ggan nge yan, ni bod rogon nike yog Jesse ngak. Ma nap’an ni taw ko gin ke yan i par e salthaw ngay, ma aram e fini be yan piyu Israel ko gin ngar k’afgad riy ni fan ko mael, ma yad be tolul nrogon ni yima rin’ ko ngiyal’ ni nga ni yan ko mael.

1 Samuel 17:55

Fa’ani guy Saul David nike yan ni ngar chamgow Goliath, me fith Saul ngak Abner ni pilungen e salthaw rok ni ga’ar, “Abner, i mini’ e re pagel nem?” Me fulweg Abner ni ga’ar, “Pilung rog, da gu nang.”

1 Samuel 26:4

me l’oeg e pi damit miyad pir’eg nriyul’ ni bay Saul u rom.

1 Samuel 9:1

Immoy be’ nib mo’on ko ganong rok Benjamin ni Kish fithingan, ni be’ nib yo’or ban’en rok, nib mo’on ni fak Abiel, nib mo’on ni fak Zeror, nib mo’on ni fak Bekorath, nib mo’on ni fak Afiah.