1 Samuel 26:24 - Bible Ni Thothup

²⁴ Bod rogon ni ku gu rin’ ngom e daba’ ni da gu fek e pofogan rom, e mang e yigki rin’ SOMOL ngog ni aram rogon nge chuwegned u gubin e oloboch!”

1 Samuel 26:24 Σταυροειδείς Αναφορές

Genesis 48:16

Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

2 Samuel 4:9

Me fulweg David ni ga’ar, “Kug micheg u fithingan SOMOL ni bepar nib fos nike ayuwegneg u fithik’ urngin e riya’!

Psalms 144:2

Ir e ma yororiyeg mma rungrung rog, manaf rog nge ta’ayuw rog, ir e ma pagan’ug ngak ni dabi buch ban’en rog. Ma tay e pi nam nga tan pa’ag nggu gagiyeg nagrad.

Psalms 18:1

SOMOL, ri gab t’uf rog! Gur e yoror rog!

Psalms 18:25

A SOMOL, ga ba yul’yul’ ngak e pi’in yad ba yul’yul’ ngom; polo’ fanam fel’ ko pi’in dariy thibngirad.

Psalms 18:48

ma ke ayuwegneg u pa’ e pi to’ogor rog. A SOMOL, ga ma pi’ gelngig nggu gel ngak e pi to’ogor rog ma ga ma yororiyeg u pa’ e girdi’ ni tacham.

Psalms 34:20

I SOMOL e ma dunobiy, ni dariy ta’reb e yil rok nra m’ing.

Psalms 54:7

Ya kam chuwegeg u fithik’ urngin e oloboch rog, ma kug guy e pi to’ogor rog ni kar waergad.

Matthew 5:7

“Nge felan’ e pi’in yad ma runguy e girdi’, ya ra runguyrad Got!

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

2 Thessalonika 3:2

Mu kum pi’ed e meybil romad ngak Got nge ayuwegmad u pa’ e pi’in kireb e leam rorad nge girdi’ nib kireb. Ya gathi urngin e girdi’ mma mich u wun’rad e re thin rok Somol ney.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

1 Samuel 18:30

Ma urngin yay nra yib e pi salthaw ko pi Filistine ngar chamgad ngak piyu Israel, mi David e th’abi falu’ u fithik’ urngin e pi tolang ko salthaw rok Saul, ma aram me yan i par ni kari gilbuguwan.

1 Samuel 24:16

Fa’ani mu’ David ko welthin, me ga’ar Saul, “David ni fakag, mog, ri gur e yer?” Me tabab Saul ko meyor.