1 Samuel 26:20 - Bible Ni Thothup

²⁰ Dab mu pageg nge map’ racha’eg u daken yug reb e but’, nib orel u p’eowchen SOMOL. Mangfan nthingari yib e pilung nu Israel ni nge thang e fan rok bochi ke yanuk ni bod gag? Mangfan nthingari tulufeg ni nge koleg ni bod ba arche’ ni malboch?”

1 Samuel 26:20 Σταυροειδείς Αναφορές

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Lamentations 3:52

“Kug ma’achthal ni bod ba arche’ u pa’ e pi to’ogor ni dariy tapgin ni ngar fananikayed gag.

Matthew 26:47

Ka be welthin me taw Judas, ni ir reb fare ragag nge l’agruw i gachalpen, nike cheag ba ulung i girdi’ ni pire’ ngak ni kar feked e saydon nge gul, nike l’oegrad e pi tolang ko prist nge pi’in pi’ilal rok piyu Israel.

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.

1 Samuel 2:9

“Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.

1 Samuel 24:11

Chitamag, mu sap ngabang e mad rom ni ba’aray u pa’ag! Gu th’ab nggu fek machane da gu li’em nga mum’. Re gi mad ney e susun e nge micheg nga lanin’um ndagur finey ni nggu togopluw ngom fa gu thang e fan rom’, yugu aray rogon ni ga be gayeg ni ngam thang e pogofan rog, ndariy ban’en nib kireb ni kug rin’ ngom.

1 Samuel 24:14

Pilung nu Israel, a mu guy e ren’en ni ga be guy rogon ni ngam li’ ngem’! Mu sap ko ren’en ni ga be lol’oeg! Ba pilis nib yam’, ara ba yanuk!

1 Samuel 24:15

I SOMOL e bayi pufthin, me duwgiliy ko mini’ e arodow nib kireb. Mang e yigi changar nga fithik’ e re pa’ i oloboch ney, me yoror rog, me ayuwegneg u pa’am.”

1 Samuel 25:29

Fa’anra cham be’ ngom ni be guy rogon ni nge li’em nga mum’, me SOMOL ni Got rom e bayi tem ndabi buch ban’en rom, ni bod be’ ni pumo’on ni be matnagiy ban’en nrib t’uf mab tolang puluwon. Machane pi to’ogor rom e bayi mangiyrad nga palog, ni bod rogon e malang ni gan e gawul rok be’ ni pumo’on.