1 Samuel 26:15 - Bible Ni Thothup

¹⁵ Me fulweg David ni ga’ar, “Abner, gathi gur e re pumo’on nth’abi cheag u Israel? Ere mangfan ndamur yororiy e masta rom, ni fare pilung? Fin chiney e ke yib be’ u fithik’ e pi tent romed ni nge thang e fan ko masta rom.

1 Samuel 26:15 Σταυροειδείς Αναφορές

2 Samuel 3:38

Me ga’ar fare pilung ngak e pi tolang ko salthaw rok, “Damur nanged ni re rran ney e ke yim’ reb e tayugang’ nrib ga’ u lan yu Israel?

Daniel 4:19

Ma aram e Daniel (ni ku yima pining Belteshazzar ngak) e par nike magafan’ ndakiyag ni nge yog ban’en. Me ga’ar e en ni pilung ngak, “Belteshazzar, re lik’ay ney nge fan e dabi magafan’um ngay.” Me ga’ar Belteshazzar, “Pilung rog, re lik’ay nir nge fan e manga yigi par ni pi to’ogor rom e fan ngorad.

Matthew 26:40

Me sul ngak fa dalip i gachalpen me pir’egrad ni yad be mol; me ga’ar ngak Peter, “Mang e kam rin’ed ni gimed dalip nder yag ni ngam uned ngog ko mood u lan ta’reb e awa?

1 Samuel 26:14

me tolul ngak fa raba’ i salthaw rok Saul nge Abner ni be ga’ar, “Abner! Ga be rung’ag lamag?” Me fith Abner ni ga’ar, “Mini’ e cha’nem ni be tolul nike pug e en ni pilung?”

1 Samuel 26:16

Abner, de yag nim rin’ e maruwel rom! Kar gog u fithingan SOMOL ni be par nib fos ni gimed gubin ma rib fel’ ni ngam m’ad, ni bochan e dam ayuweged e masta romed ni nge dabi buch ban’en rok, ni ir e ke tay SOMOL ni nge mang pilung. Amsapgad! Bu uw e sarey rok e en ni pilung? Bu uw fare tafen e ran ni immoy u charen lolugen?”