1 Samuel 25:5 - Bible Ni Thothup

⁵ ma aram me l’oeg ragag e pumo’on ni kayad ba pagel ngranod nga Karmel, ni ngar guyed Nabal, ngar fagichiyed ni pa’ David.

1 Samuel 25:5 Σταυροειδείς Αναφορές

Genesis 43:23

Me ga’ar fare tapigpig, “Dabi magafan’med, ma dab mu tamdaggad. Ya Got, ni fare Got rok e chitamangimed, e ir e ke tay e salpiy ngalan e tutuw romed ni fan ngomed. Ya salpiy ni mpi’ed nga puluwon e ggan ko som’on e kug fek.” Me fek fare tapigpig Simeon i yib ngorad.

1 Kronicles 12:18

Me ying fare kan nthothup rok Got ngak bagyad, ni aram Amasai, facha’ ni munmun me mang tolang ko “Fare Guyey,” me tolul ni be ga’ar, “David ni fak Jesse, bmil famad ngom! Nge fel’ rogom nge pi’in yad be ayuwegnem! Got e bay u ba’ rom.” Me pining David e kefel’ ngorad ni ngar pired u rom me tayrad ni yad e tolang ko yu raba’ i salthaw rok.

1 Samuel 17:18

Ma ga fek e ragag yang i chis ni ba’aray i yan ngak e en ni pilungen e salthaw. Ma ga nang salpen pi walagem, ma ga fek ban’en i yib ni nge dag ni kam guyrad ma kabfel’ rogorad.

1 Samuel 17:22

Me yani tay David fapi ggan ngak reb e ga’ ko salthaw ni ir e mmil fan e chugom ko salthaw ngak, me mil i yan ko gin kan k’af riy, me yan ngak pi walagen nge fith salaprad.

1 Samuel 25:4

ma bay David u daken e ted me rung’ag murung’agen e n’en ni be rin’ Nabal,

1 Samuel 25:6

Me yog ngorad ni nge lungurad ngak Nabal: “Be fangichiyem David ni be ga’ar, ‘Fager rog, gu be athpeg e falwa’athan ni fan ngom, nge tabnaw rom, nge urngin e tin bay rom’.