1 Samuel 25:2 - Bible Ni Thothup

^2-3 Ma immoy ba pumo’on ni Nabal fithingan ni be’ ko fare ke girdi’ rok Kaleb. I Nabal e be’ ko fare binaw nu Maon, ma bay e binaw ntafen u charen fachi binaw nu Karmel. Re mo’on ney e rib fel’ rogon, bay 3,000 e saf nge bbiyu’ e kaming ni fak. Ma Abigail ni le’engin e ba pidorang ma ba llowan’, machane re mo’on nem e ba thinthinan’ ma ba pey e damumuw ngak. Immoy Nabal u Karmel ni i th’ab bun’en e pi saf rok,

1 Samuel 25:2 Σταυροειδείς Αναφορές

Genesis 13:2

Mi Abram e be’ ni pire’ ban’en rok, ni aram e saf, nge kaming, nge garbaw, ma ku er rogon e silber nge gol.

Genesis 26:13

Ma aram me ifel’ rogon i yan, nge yan i mang rebe madangdang nib yo’or ban’en rok.

Genesis 31:19

U m’on ni chuw Rachel u nap’an ndemo’ Laban u tabnaw rok ya ke yan ni nge thethab buni’en e saf rok, me iring Rachel fapi liyos ni thothupen e tabnaw rok Laban.

Genesis 32:14

ni aram e 200 e kaming ni ppin ma rliw’ e kaming ni pumo’on, ma 200 e saf ni ppin ma rliw’ e saf ni pumo’on,

Genesis 38:13

Me yog be’ ngak Tamar nike yib facha’ ni chitamngin fare pumo’on rok ni nge yan nga Timnah ni nge th’ab bunu’en e saf rok.

2 Samuel 19:32

Mi Barzillai e be’ ni kari pumo’on, ya nga meruk i ragag e duw rok. Ri bo’or ban’en rok ma i pi’ e ggan ngak David ni Pilung ko ngiyal’ ni ba’aram ni i par u Mahanaim.

BABYOR NI JOB 1:3

ma bay 7,000 e saf rok, ma 3,000 e kamel, ma 1,000 e garbaw, ma 500 e dongki. Ma ku bpire’ e pi tapigpig rok, me ir e th’abi yo’or ban’en rok u rom u lan e ngek.

BABYOR NI JOB 42:12

Me fal’eg SOMOL wa’athan Job nike mun daken e flaab ni pi’ ngak nga rogon ko som’on. I Job e yan i pan ni 14,000 e saf rok, ma 6,000 e kamel, ma 2,000 e garbaw, ma 1,000 e dongki.

Psalms 17:14

mu ayuwegneg u pa’ e pi’in nib yoor ban’en rograd ko biney e tamilang. Mu gechig nagrad ko pi gafgow ni ka mu cha’riy ni fan ngorad; mang e yugu ra gaman gad pifakrad riy miki aw boch ni fen pifak pifakrad!

Proverbs 30:22

ba sib ni mang pilung, be’ nib balyang ma bay rok urngin ni ba’adag ni nge kay,

Joshua 15:55

Ma ku arrogon yu Maon, ngu Karmel, ngu Zif, ngu Juttah,

1 Samuel 15:12

Ma reb e rran riy nri kakadbul me yan ni be changarnag Saul. Me rung’ag nike yan Saul ko fare binaw nu Karmel, ma ke ubung e malang u rom ni ban’en ni nge guy e girdi’ miyad leamnag Saul, ke mu’ ma ke yan nga Gilgal.

1 Samuel 23:24

Ma aram mar chuwgad ngar sulod nga Zif ni yad bm’on rok Saul. Ma David nge pi salthaw rok e yad bay u magarger u Maon, u lan ba loway u bang ko yimuch ko fare gi ted nu Judeah.

1 Samuel 30:5

Mus ko fa gali ppin rok David ni aram Ahinoam nge Abigail ma kan fekrow.