1 Samuel 24:22 - Bible Ni Thothup

²² Me micheg David ngak nra rin’ ni aram rogon. Ma aram me sul Saul nga tabinaw rok, me sul David nge salthaw rok ko gin yad be mith riy.

1 Samuel 24:22 Σταυροειδείς Αναφορές

Genesis 21:22

Ngiyal’nem me yan Abimelek nike un Fikol ngak ni be’ nib tolang ko salthaw rok, me ga’ar ngak Abraham, “I Got e bay rom ko urngin e tin ga be rin’.

Genesis 21:23

Ere mmicheg bugithin ngog e chiney u p’eowchen Got, ni dab’um ban nigeg, nge pifakag, nge pifak pafakag. Ug par ni gu byul’yul’ ngom, ere ngam micheg ngog ni kagra yul’yul’ ngog ma ngkum yul’yul’ nga lungun e re nam ney ni ga be par riy ni gathi ga be’ riy.”

2 Samuel 21:6

Ere mu pi’ medlip e pumo’on ni owchen Saul ngomad, nggu uchuliyed yad u mit SOMOL u Gibeah, ni fare binaw rok Saul, ni SOMOL e mel’eg ni nge pilung.” Me fulweg fare pilung, ni ga’ar, “Bay gu pi’rad ngomed.”

2 Samuel 21:7

Machane bochan e michmich u fithingan Got ni tay David nge Jonathan, ma de pi’ David Mefibosheth ni be’ ni pumo’on ni fak Jonathan, ni Saul e tutuw rok.

John 2:24

Machane de pagan’ Jesus ngorad, ya manang fan laniyan’ e girdi’ ni gubin.

1 Samuel 23:29

Me chuw David nge yan ko fagi nug nu Engedi, ko gin i par riy ni be mith.

1 Samuel 26:25

Me ga’ar Saul ngak David, “Fakag, nge fal’eg Got wa’athmed! Gubin e pin’en ni bay mu rin’ ma bay yan i aw ni bfel’ rogon!” Ma aram me yan David, me sul Saul nga tabnaw rok.