1 Samuel 24:18 - Bible Ni Thothup

¹⁸ Daba’ e kamdag ngog rogon feni fel’ e tin ga be rin’ ngog, ya yugu aram rogon ni pi’eg SOMOL nga pa’am ma da mu thang e fan rog.

1 Samuel 24:18 Σταυροειδείς Αναφορές

Genesis 38:26

Me poy Judah fa pin’en me ga’ar, “Ir e bfel’ e rok. I gag e dag yul’yul’ ko tin gu micheg ngak ni nggu pi’ fare pagel ni fakag i Shelah nge figirngiy.” Ma aram e daki moleg Judah bayay fare bpin.

Psalms 31:8

Ma dawor mu pi’eg nga pa’ e pi to’ogor rog; kam pi’ matwog ni nggu waen ko gin gu be finey.

Psalms 7:5

me’ere mu pag e pi to’ogor rog ngar tulufed gag ngar koled gag, mu pagrad ngar th’ebed gag nga but’ ngum’ ngan digeyeg u but’ ni dakriy e pogofan rog!

Proverbs 25:22

Ya aram e ra yim’ ko tamra’, ma SOMOL e bay labgen nra pi’ ngom.

1 Samuel 23:12

Miki fith David bayay ni ga’ar, “Ma pi girdi’ nu Keilah ney, yad ra pi’eg nge pi salthaw rog ngalan pa’ Saul?” Me fulweg SOMOL ni ga’ar, “Yad ra rin’.”

1 Samuel 23:7

Minog ngak Saul nike yan David nga Keilah, me ga’ar, “I Got e ke tay David ngalan pa’ag. Ke thabaynag David ir ko wup nike yan ngalan ba binaw nib yoror ma bay e pi garog riy ni fan ko mael.”

1 Samuel 24:10

Gur ma kam guy ni daba’ e ke pi’em SOMOL nga pa’ag u lan fare yiy. Yog boch e salthaw rog ngog ni nggu li’em nga mum’, machane me kireban’ug ngom, mu gog ngorad ndariy bochi ban’en ni nggu rin’ ngom, ya gur fa’anem ni SOMOL e duwgiliyem ni ngam mang pilung.

1 Samuel 24:19

Uw urngin yay nra kol be’ e to’ogor rok miki pag nge yan ndabi li’? I SOMOL e nge ayuwegnem ni bochan e tin kam rin’ e daba’.

1 Samuel 26:23

I SOMOL e ra pi puluwon e pi’in yad ba yul’yul’ ma yad bmat’aw. Ke pi’em ngalan pa’ag e daba’, machane dagu rin’ ban’en ngom, gur e en ke tem SOMOL ni pilung.

1 Samuel 26:8

Me ga’ar Abishai ngak David, “Ke tay Got e en to’ogor rom ngalan pa’am e nep’ ney. Ere mpaggeg nggu rugoy e sarey rok ngak, nggu michgiy u but’ nri ta’abyay — dabiman e l’agruw yay ni nggu rugoy!”