1 Samuel 24:15 - Bible Ni Thothup

¹⁵ I SOMOL e bayi pufthin, me duwgiliy ko mini’ e arodow nib kireb. Mang e yigi changar nga fithik’ e re pa’ i oloboch ney, me yoror rog, me ayuwegneg u pa’am.”

1 Samuel 24:15 Σταυροειδείς Αναφορές

2 Kronicles 24:22

Ma ke pag fare pilung talin ni Jehoyada ni chitamngin Zekariah e i pigpig ngak nrib yul’yul’, me yog ni ngan li’ Zekariah nge yim’. Ma nap’an ni be yan ni nge yim’ Zekariah me tolul ni be ga’ar, “Mang e guy SOMOL e tin ni ga be rin’ nge gechig nigem!”

Psalms 119:154

Mu rungrunguyeg ko oloboch rog, ngam pithig u puluwog; mu ayuweg e pogofan rog, ni bod nim micheg.

Psalms 35:1

SOMOL, mu togopluw ngak e pi’in yad be togopluw ngog, ma ga cham ngak e pi’in yad be cham ngog!

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Mikah 1:2

Gimed urngin e girdi’ ko pi nam, mu telmed; gimed gubin e girdi’ nu fayleng, mu telmed! I SOMOL ni Th’abi Tolang e nge micheg bbugithin nib togopluw ngomed. Mu telmed! Be non u lan e Tempel rok u tharmiy.

Mikah 7:9

Kad denen gad nib togopluw ngak SOMOL, ere chiney e thingar da lubeged e damumuw rok boch ngiyal’. Machane tomur riy e bayi n’uf dad me yal’uweg e pi kireb ni ka ni ngongliy ngodad. Bayi chuwegdad u fithik’ e lumor nge fekdad ko tamilang, gadad ra par ni gadad bfos nge taw ko ngiyal’ nikad guyed nike thapeg dad make mat’aw nagdad.

Judges 11:27

Danga’, dawor gu rin’ ban’en nib kireb ngom. I gur e ga be rin’ e kireb ni ga be m’ag e mael ngog. I SOMOL e ir e nge duwgiliy. Daba’ e bayi turguy ko piyu Israel fa piyu Ammon.”

1 Samuel 17:43

Me ga’ar ngak David, “Mog, gub pilis ni kam fek e ley nir e ren i yib ngog?” Me tolul nga daken David ni be bucheg wa’athan ni birok e got e be yog nga fithingan.

1 Samuel 24:12

Mang e yigi pufthin nagdow SOMOL ko mini’ e arodow nib kireb! Mang e yigi gechig nagem ko tin kam ngongliy nib togopluw ngog, ya gag e dariy bochi ban’en ni gu ra rin’ ngom.

1 Samuel 25:39

Nap’an ni rung’ag David nike yim’ Nabal, me ga’ar, ‘Ngu’un pining e sorok ngak SOMOL! Ke fulweg taban e kireb ni rin’ Nabal ngog, ma ke teg I gag e tapigpig rok ni da gu rin’ ban’en nib kireb. I SOMOL e ke gechignag Nabal ko kireb rok.” Ma aram me pi’ David e thin nge yan ngak Abigail ni ngar mabgol gow.

1 Samuel 26:20

Dab mu pageg nge map’ racha’eg u daken yug reb e but’, nib orel u p’eowchen SOMOL. Mangfan nthingari yib e pilung nu Israel ni nge thang e fan rok bochi ke yanuk ni bod gag? Mangfan nthingari tulufeg ni nge koleg ni bod ba arche’ ni malboch?”

1 Samuel 26:4

me l’oeg e pi damit miyad pir’eg nriyul’ ni bay Saul u rom.