1 Samuel 23:10 - Bible Ni Thothup

¹⁰ Ma aram me ga’ar David, “SOMOL, ni Got nu Israel, kug rung’ag nike t’ar Saul liben ni nge yib nga Keilah nge gathay ni bochag, i gag e re tapigpig rom.

1 Samuel 23:10 Σταυροειδείς Αναφορές

Genesis 18:24

Fa’anra bay wugem e girdi’ u lan e re binaw nem ndarir ngongliyed e kireb, ma ka ga ra kirebnag e re binaw nem ni ga’ngin? Dab mu tay ndab mu kirebnag ni fan e ngam ayuweg e pogofan rok e re wugem i girdi’ nem?

Ester 3:6

ma nap’an niki nang ni Mordekai e ba Jew me duwgiliy ni gathi go’ Mordekai e nge gechignag. Me leamnag ni nge thang mit gubin e Jew ni bay u tan e gagiyeg rok yu Persia.

Proverbs 28:15

Girdi’ nib gafgow e ba waer gelingrad u puluwon ba tagagiyeg nib kireb; rogon ngorad e bod ba layon ni be tolul ni kanim’ ngak ko morus ara ba bear nike taf daken.

1 Samuel 22:19

Miki yog Saul ni ngan thang e fan rok urngin e tin kabay e girdi’ nu Nob, ni fare binaw rok e prist: nni thang e fan rok e pi pumo’on, ppin, bitir nge tin kab ran e bitir, garbaw, dongki, nge saf.

1 Samuel 23:11

Ere mog, ra pi’eg e pi girdi’ ney nu Keilah ngalan pa’ Saul? Mog, rriyul’ nra yib Saul, ni bod ni kug rung’ag? SOMOL, ni Got nu Israel, gu be wenig ngom ni ngam fulweg lungug!” Me fulweg SOMOL ni ga’ar, “Ra yib Saul.”

1 Samuel 23:8

Ma aram me pining Saul e pi yu raba’ i salthaw rok ni ngranod ko mael nga Keilah ngar koled David nge pi salthaw rok.

1 Samuel 23:9

Nap’an ni rung’ag David nike t’ar Saul liben ni nge cham ngak, me ga’ar ngak Abiathar ni prist, “Mfek fare efod i yib ngaray.”