1 Samuel 22:7 - Bible Ni Thothup

⁷ me ga’ar ngak e pi tolang ko salthaw rok, “Mmotoyilgad, gimed e pi pumo’on ko Benjamin! Gimed be leamnag nra pi’ David e yungi flang nge yungi milay’ ni grape ngomed ni gimed gubin, ara taymed ni gimed e tolang ko salthaw rok?

1 Samuel 22:7 Σταυροειδείς Αναφορές

2 Samuel 18:1

Me kunuy David ni Pilung urngin e tirok e salthaw, me yuraba’nagrad ni yad yu biyu’ nge yu raay, me tayrad nga tan pa’ e pi tolang ko salthaw.

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

1 Kings 12:16

Ma fa’ani nang e girdi’ ni fare pilung e dabi motoyil ngorad, miyad tolul ni lungurad, “Kad math’gad David nge tabinaw rok! Mang e ren’en ni bfel’ ni kar rin’ed ngodad! Gadad yu Israel, e ngad sulod nga tafedad, me par Rehoboam rok nge mang ir e i ayweg ir!” Aram rogon ni togopluw yu Israel,

1 Kronicles 12:16

Me bayay me yan ba ulung i pumo’on ko ganong rok Benjamin nge Judah ngranod ko fa gin kan yororiy ni fan ko mael ni bay David riy.

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

1 Samuel 18:14

ma urngin e tin i ngongliy ma bfel’, ya bay SOMOL rok.

1 Samuel 20:27

Me reb e rran riy nga tomuren fare Madnom ko M’ug e Pul, ma ku de moy David u tagil’, me fith Saul ngak Jonathan ni ga’ar, “Mangfan nde yib David ko abich fowap nge daba’?”

1 Samuel 20:30

Me ri damumuw Saul ngak Jonathan me ga’ar ngak, “Gab fak e moro’ro’! Kug nang e chiney ni kam fol ngak David, kam darifan nigem nge fa’anem ni chitinam!

1 Samuel 22:13

Me fith Saul ngak ni ga’ar, “Mangfan ni gur nge David e gimew be makath nigeg? Mang ni kam pi’ boch e ggan nge bang i saydon ngak, ma kam fith laniyan’ Got ni fan ngak? Chiney e ke cheal ke togopluw ngog ma be tay thapag ni nge li’eg nggum’!”

1 Samuel 22:9

Me Doeg e ba sak’iy u rom ni yad fapi tolang ko salthaw rok Saul, me ga’ar Doeg, “Gguy David nnap’an e yan ngak Ahimelek ni be’ ni pumo’on ni fak Ahitub nu Nob.

1 Samuel 25:10

mfin ni fulweg Nabal ni ga’ar, “I David? I mini’ e cha’anir? Ri dawor gu rung’ag ban’en ni murung’agen! Biney e rran e ke sug e re nam ney ko pi sib ni kar milgad rok e pi masta rorad!