1 Samuel 22:17 - Bible Ni Thothup

¹⁷ Ma aram me ga’ar ngak fapi matnag rok ni yad be sak’iy u charen, “Mu thanged e fan rok e pi prist nir rok SOMOL! Kar puruy’gad ngak David mdarogned ngog nike mil, ni yug aram rogon ni yad manang ni kab kafram i yib.” Machane fapi matnag rok e dariy bagyad ni mithmith ni nge li’ fapi prist rok SOMOL.

1 Samuel 22:17 Σταυροειδείς Αναφορές

2 Samuel 15:1

Tomuren e biney me fek Absalom ba chariot nge boch e os ngak, nge wugem e pumo’on ni ngu u ranod ni yad be m’on rok ma be lay.

1 Kings 1:5

Adonijah nib mo’on ni fak David nge Haggith e be’ nrib pichoay ma ri be finey ni ir e nge mang pilung. Ir e th’abi ilal ko tin ni kabay e pumo’on ni fak David, ma dawori puwan’ David ngak u bochi ban’en. Me yagnag Adonijah e chariot nge os ni fan ngak, nge wugem e pumo’on ni ngi i un ngak.

1 Kings 14:27

Me ngongliy Rehoboam yungi shield ni bronze nge tay nga luwan e tinem, me tay chiylen ngak e pi ga’ ko salthaw ni yad e ngar guyed ni dabi buch ban’en ko fapi garog ko fare naun rok e pilung.

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

2 Kings 10:25

Ma yug nap’an ni pi’ Jehu fapi maligach, me ga’ar ngak fapi matnag nge fapi tolang ko salthaw, “Mmarod nga naun ngam li’edrad ngarm’ad ni yad gubin; dab mu paged bagyad nge mil!” Mranod nga naun ni kar feked e saydon miyad thang e fan rorad, miyad girengiy fapi ldow nga wean. Ma aram mranod ngalan e gin nib thothup u lan fare tempel,

Exodus 1:17

Machane gali ppin nem ni yow ma ayuweg e ppin u nap’an e gargel e bay madgun Got u wan’row, ma aram e dar folgow rok fare pilung; mi yow pag e bitir ni pumo’on ni dar li’ew.

Acts 4:19

Machane me fulweg Peter nge John ngorad ni lungurow, “Gimed e ngam turguyed ko bin ngan e bmat’aw u p’eowchen Got, ko ngan fol romed ara ngan fol rok Got.

1 Samuel 14:45

Machane me ga’ar fapi girdi’ ngak Saul, “Mog, i Jonathan nike ayuweg piyu Israel kar gelgad ko re mael ney e ngan li’ ngem’? Dangay! Kug micheged nga fithingan SOMOL ni be par nib fos ni mus nga ta’ab gaf i piyan lolugen ma dabi mul. Ya n’en ni rin’ e daba’ e Got e ayuweg nge rin’.” Aram rogon ni ayuweg e girdi’ Jonathan nge dakun thang e fan rok.

1 Samuel 2:31

Mu sap, bay ba ngiyal’ ni bayi taw ngay mu gu thang e pogofan rok urngin e pagel ni bay u lan e tabinaw rom nge kerom e girdi’, ni fan e nge dakuriy be’ nib mo’on u lan e tabinaw rom nra par nge pilibthir.

1 Samuel 20:33

Me pag Saul e sarey rok ngak Jonathan nike finey ni nge li’ ngem’, me nang Jonathan nike turguy e chitamngin u wan’ ni nge thang e pogofan rok David.

1 Samuel 22:13

Me fith Saul ngak ni ga’ar, “Mangfan ni gur nge David e gimew be makath nigeg? Mang ni kam pi’ boch e ggan nge bang i saydon ngak, ma kam fith laniyan’ Got ni fan ngak? Chiney e ke cheal ke togopluw ngog ma be tay thapag ni nge li’eg nggum’!”

1 Samuel 22:16

Me ga’ar fare pilung, “Ahimelek, i gur nge gubin pi girdi’em e thingar mm’ad.”

1 Samuel 25:17

Wenig ngom, mu fal’eg i leamnag mag turguy e n’en ni ngan rin’. Ran’ey e rayag ni nge mang ba riya’ ko masta rodad nge gubin gathon e tabnaw rok. Ba gel e thinthinan’ rok ni dariy be’ nra motoyil ngak!”

1 Samuel 8:11

Me ga’ar Samuel ngorad, “Pilung romed e ba’aray rogon e tin bayi rin’ ngomed. Bayi fek pifakmed ni pumo’on ngar manged salthaw; ni boch i yad e ngi i yannag e pi chariot, ma boch e ngi i yan u daken e os, ma boch i yad e nge par nga m’on ngu’ur milgad ma be lay e pi chariot rok.