1 Samuel 21:4 - Bible Ni Thothup

⁴ Me ga’ar fare prist, “Dariy rog e yugu flowa, kemus ni flowa ni ka ni pi’ ngak SOMOL e bay rog; rayag ni gu pi’ ngom ngam ked e salthaw rom ni fa’anra ke yan in e rran nap’an ndar pired e ppin.”

1 Samuel 21:4 Σταυροειδείς Αναφορές

Exodus 19:15

me ga’ar Moses ngorad, “Nge taw ko langlath ma kam mu’gad ma dabki par be’ nge le’engin nge mada’ ko rofen nem.”

Exodus 25:30

Fare tebel e ngam ted nga m’on ko fare Kahol ko M’ag, mu daken e re tebel ney e gubin ngiyal’ ni ngi i par riy fare flowa nib thothup ni kan pi’ ngog.

Levitikus 15:18

Ra par be’ nib pumo’on nge be’ nib bpin ngar mu’ gow ma yow l’agruw ni yow ra maluk, miyow par ni yow ba ta’ay nge mada’ ko blayal’.

Zekariah 7:3

ma ngar fithed ngak e pi prist nge pi profet e re de’er ni ba’aray: “Thingar udpired ni be kireban’dad ni bochan fare Tempel nike mogothgoth, ni ngu’ud paged e abich u lan e bin lal e pul ni bod ni kadrin’ed nike yo’or e duw ke mada’ ko chiney?”

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

1 Samuel 21:3

Be mang e bay rom ni yira kay? Mpi’ lal e flowa ni gang’ ngog ara tin ni bay rom.”

1 Samuel 21:6

Me pi’ fare prist ngak David fare flowa nike m’ay i pi’ ngak Got, ya flowa ni bay rok e kemus ni flowa nike m’ay i pi’ ngak Got, ma kan chuweg u daken fare tebel rok Got kan fek e flowa nib be’ech kan tay nga luwan.