1 Samuel 20:31 - Bible Ni Thothup

³¹ N’umngin nap’an ni be par David nib fos e dariy e n’en nra rin’ ma ga mang pilung ko re nam ney. Mman mu pining ngam bow ngaray, ya thangri yim’!”

1 Samuel 20:31 Σταυροειδείς Αναφορές

2 Samuel 12:5

Me ri damumuw David ngak fa’anem nike weliy Nathan murung’agen, me ga’ar David, “Kug micheg nga fithingan SOMOL ni be par nib fos nre mo’on nike rin’ e re n’ir e bay tapgin ni ngan li’ ngem’!

2 Samuel 19:28

Ya urngin girdi’en e tabinaw rok e chitamag e ba’ tapgin ni ngam li’rad ngarm’ad, machane gur e mpi’ mat’awug ni ngu’ug un ngom ko abich u tebel rom. Dariy mat’wug ni ngku gu wenignag ban’en ngom ni ngam rin’ ngog.”

Psalms 79:11

Mmotoyil ko gel’gel’ rok e pi kalbus, ma gelngim nib gel e ngam ayweg ngay e pi’in ni kan tay ni ngan thang e fan rorad.

1 Samuel 19:6

Me motoyil Saul ko tin keyog Jonathan me micheg bbugithin nga fithingan SOMOL ndab kun li’ David ngem’.

1 Samuel 20:30

Me ri damumuw Saul ngak Jonathan me ga’ar ngak, “Gab fak e moro’ro’! Kug nang e chiney ni kam fol ngak David, kam darifan nigem nge fa’anem ni chitinam!

1 Samuel 20:8

Wenig ngom, mu ayuwegneg ko re bugithin ney, ma ga tay nga tagil’ fare bugithin ni mog ngog ni mmicheg u p’eowchen SOMOL. Ma fa’anra gag e kug bucheg ban’en, me gur e ngam li’eg nggum’! Ya dariy fan ni ngam pi’eg nga pa’ e chitamam nge mang ir e li’eg.”

1 Samuel 23:17

ni be ga’ar ngak, “Dab mu rus. Chitamag i Saul e dabyag ni nge rin’ ban’en ngom. Ri manang ni gur e cha’ ni bay mmang pilung nu Israel me gag e bay gu par ko re liw nib migid ngom.”

1 Samuel 26:16

Abner, de yag nim rin’ e maruwel rom! Kar gog u fithingan SOMOL ni be par nib fos ni gimed gubin ma rib fel’ ni ngam m’ad, ni bochan e dam ayuweged e masta romed ni nge dabi buch ban’en rok, ni ir e ke tay SOMOL ni nge mang pilung. Amsapgad! Bu uw e sarey rok e en ni pilung? Bu uw fare tafen e ran ni immoy u charen lolugen?”