1 Samuel 20:3 - Bible Ni Thothup

³ Me fulweg David ni ga’ar, “Ri manang e chitamam gelngin ni gub t’uf rom, ere ke turguy ndabi weliy ngom e tin ke leamnag ni nge rin’, ya ra kireban’um. Nggu micheg ngom u fithingan SOMOL ni be par nib fos, ni gag e gu be yan u thathren e riya’!”

1 Samuel 20:3 Σταυροειδείς Αναφορές

2 Samuel 15:21

Me fulweg Ittai ni ga’ar, “Gu be micheg ngom u daken fithingan SOMOL ni gubin ngiyal’ ni bay ug un ngom ndemturug e gin ni ga be yan riy i yan, ni mus ni fa’anra ngad m’ow.”

2 Kings 2:2

ma nap’an ni yow be yan me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Bethel.” Machane me ga’ar Elisa, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Bethel.

2 Kings 2:4

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Jeriko.” Machane me fulweg Elisa ni ga’ar, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Jeriko.

2 Kings 2:6

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan ko lul’ ni Jordan.” Me fulweg Elisa ni ga’ar, “Rogon feni bmich’ ni gub yul’yul’ ngak SOMOL nge gur, e aram feni bmich ndab gu pagem.” Ma aram mi yow yan,

Psalms 116:3

Riy’an e yam’ e longbiyeg; dogwen e low ko yam’ e chuchugur ngog; mu gum’ ko marus nge magfan’.

Jeremiah 38:16

Me micheg Zedekiah ni Pilung bbugithin ngog nde nang be’. I ga’ar, “Gu be micheg u fithingan SOMOL ni be par nib fos, ni ir e ke pi’ e yafos ngodad, nri dab gu thang e fan rom, ma dab gu pi’em nga pa’ fapi pumo’on ni yad baadag ni ngar thanged e fan rom.”

Jeremiah 4:2

ma aram e rayag ni ngam mowgad u fithingag. Ma aram e gubin e nam e bay roged ngog ni nggu tow’ath nagrad, ma bay ra pininged e sorok ngog.”

Deuteronomy 28:66

Yafos romed e gubin ngiyal’ ni bay u thathren e riya’. Rran nge nep’ ni bay um pired nike suguymed e marus, ma bay um pired ni gubin ngiyal’ ma gimed be dugownag e pogofan romed.

Deuteronomy 6:13

Kemus ni SOMOL ni Got romed e ngu’um pired ni bay madgun u wun’med; kemus ni ir e ngu’um liyorgad ngak, ma kemus ni go’ fithingan e ngam mowgad ngay.

Hebrews 6:16

Fa’anra micheg be’ ban’en me mow nga fithingan be’ nib tolang rok ma aram e fare mow e ke micheg, ke duwgiliy ni aram rogon.

1 Samuel 1:26

Me ga’ar Hannah ngak, “Siro’ ngom, ka ga manangeg fa danga’? I gag fare pin ni mu guyeg u roy ni gub sak’iy ni gu be meybil ngak SOMOL.

1 Samuel 17:55

Fa’ani guy Saul David nike yan ni ngar chamgow Goliath, me fith Saul ngak Abner ni pilungen e salthaw rok ni ga’ar, “Abner, i mini’ e re pagel nem?” Me fulweg Abner ni ga’ar, “Pilung rog, da gu nang.”

1 Samuel 20:2

Me fulweg Jonathan ni ga’ar, “Danga’, ri dab mum’! Chitamag e gubin ban’en nma rin’ mma weliy ngog, ndemturug ko ban’en ni ba ga’ fan fa dangay, ma dabiyag ni nge mithag rog e bug nir e thin. Ere gathi er rogon!”

1 Samuel 20:4

Me ga’ar Jonathan, “Ri gu ra rin’ e tin ga be finey.”

1 Samuel 25:26

I SOMOL e ke tem ni dawor mu sulweg taban e kireb ngam thang e fan rok e pi to’ogor rom. Ma chiney e gu be micheg ngom u fithingan SOMOL ni be par nib fos ni pi to’ogor rom nge urngin e pi’in yad ba’adag ni ngar rin’ed ban’en ngom nib kireb e bay ni gechig nagrad ni bod Nabal.

1 Samuel 27:1

Me ga’ar David u wan’, “Bayi reb e rran me li’eg Saul nggum’. N’en th’abi bfel’ ni nggu rin’ e ngug mil nga Filistia. Ma aram me pageg Saul ndabki changar nigeg u Israel, mug par ndariy ban’en nra buch rog.”