1 Samuel 20:16 - Bible Ni Thothup

¹⁶ ma ngi i par e re thin rodow ney ni kad michegew ngodow ndabi math. Ma fa’anra math, mi SOMOL e bayi gechig nigem ni bochan.”

1 Samuel 20:16 Σταυροειδείς Αναφορές

Genesis 15:18

Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

2 Samuel 21:8

Machane me fek David i Armoni nge Mefibosheth, ni l’agruw i pumo’on ni diyennag Rizpah rok Saul. Rizpah e be’ ni bpin ni fak Aiah. Miki fek lal i pumo’on ni fak Merab ni be’ ni bpin ni fak Saul. Lal i pumo’on ney e diyennag Merab rok Adriel ni be’ nib pumo’on ni fak Barzillai, ni be’ nu Meholah.

Jeremiah 40:9

Me ga’ar Gedaliah ngorad, “Nggu micheg ngomed ni dab mu rus gad ni ngam pired nga tan pa’ yu Babylon. Mi gimed par u lan e re nam ney ngu’um pigpig gad rok fare pilung nu Babylon, bay mu pired ni gubin ban’en ni bfel’ u puluwomed.

Deuteronomy 23:21

“Nap’an ni gimed ra mownag ban’en nga fithingan SOMOL ni Got romed, ma dab mmon’ed yaran e tin ka mu micheged ni ngam rin’ed. I SOMOL e bayi tay ngan’ e tin ka mu mow niged, ma ba denen ni fa’anra dab mu ted u gil’.

Joshua 22:23

Fa’anra kug togopluwgad ngak SOMOL kug toyed e altar romad ni nggu urfiyed e pi maligach riy ara maligach ni grain ara maligach nma gapaseg thilin Got nge girdi’, me’ere nge mang SOMOL e nge gechig nagmad.

1 Samuel 18:3

Me m’ag Jonathan e fager ngak David ni ngar pirew ndariy e rofen ni nge kireb thilrow, ni bochan e rib t’uf David rok.

1 Samuel 20:42

Me ga’ar Jonathan ngak David, “Got e nge un ngom. I SOMOL e bayi gagiyegnag ni gur nge gag nge pi’in owchadow e bay ra ted u gil’ fare bugithin ni kad michegew ngodow u p’eowchen SOMOL.” Ma aram me yan David, me sul Jonathan ngalan binaw.

1 Samuel 22:8

Ireyer fan ni gimed be makath nib togopluw ngog? Dariy ta’ab gimed nike yog ngog nre mo’on ni fakag ney e ke fal’eg ba tha’ u thilrow David. Dariy be’ ni be leam nigeg fa yog ngog ni David ni reb i girdi’en e salthaw rog, e be tay thapag e chiney ni nge li’eg nggum’, ma be’ ni pumo’on ni fakag e be pi’ e athamgil nga laniyan’!”

1 Samuel 23:18

Miyow michmich u mit Got ni ngar pirew ni yow fager. Me par David u Horesh, me yan Jonathan nga tafen.

1 Samuel 25:22

Mang e yigi thang Got e fan rog ni fa’anra dab gu mu’ i thang e fan rok gubin fapi pumo’on u m’on ndawori kadbul!”

1 Samuel 25:26

I SOMOL e ke tem ni dawor mu sulweg taban e kireb ngam thang e fan rok e pi to’ogor rom. Ma chiney e gu be micheg ngom u fithingan SOMOL ni be par nib fos ni pi to’ogor rom nge urngin e pi’in yad ba’adag ni ngar rin’ed ban’en ngom nib kireb e bay ni gechig nagrad ni bod Nabal.

1 Samuel 31:2

Me lol’oeg e pi Filistine Saul nge fapi pumo’on ni fak ngar koled yad, miyad li’ pifak ni pumo’on ni aram Jonathan nge Abinadab nge Malkishua.