1 Samuel 20:13 - Bible Ni Thothup

¹³ Ma fa’anra be leamnag ni nge li’em, ma SOMOL e nge thang e fan rog ni fa’anra dab guy rogon ngam nang, nge yag ni mu guy rogom nga bang ni dabi buch ban’en rom riy. Mang e yigi par SOMOL rom ni bod ni i un ngak e chitamag.

1 Samuel 20:13 Σταυροειδείς Αναφορές

2 Samuel 19:13

Miki yog David ngorow ni nga rognew lungun ngak Amasa ni nge lungurow, “I gur e ga be’ rog. Chiney i yan nga m’on e kug tem ni gur e nge milfan e salthaw ngom, ni aram e kam man nga luwan Joab. Fa’anra dab gu tem ngay me Got e nge li’eg nggum’!”

2 Samuel 3:35

Polo’ e rran ni i guy fapi girdi’ rogon ni mange yigi kay David ban’en, machane me micheg u fithingan Got ni ga’ar, “Mang e yigi li’eg Got nggum’ ni fa’an gu ra kay ban’en ndawori polo’ e re rran ney!”

2 Samuel 7:15

Machane gathi bay gu par ndab kug ayuweg ni bod ni gu rin’ ngak Saul, ni gag e gu chuweg ni fan e nge mang gur e mpilung.

1 Kings 1:37

Pilung, rogon ni i par SOMOL rom e manga ki par rok Solomon nge ayuweg nge mon’og e gagiyeg ni nge tay ko gagiyeg ni um tay.”

1 Kings 19:2

Me pi’ Jezebel e thin nge yan ngak Elijah ni ga’ar, “Mang e yigi gad e pi got pa’rad ngog nggum’ ni fa’anra yan i taw ko ngiyal’ney gabul ma dawor gu rin’ ngom e n’en ni kam rin’ ngak fapi profet.”

1 Kings 20:10

rok Benhadad: “Gu ra fek urngin e pumo’on ni ba gaman ni nge gathay e re binaw rom nir miyad fek chabungen ngalan pa’rad. Mang e yigi li’eg e pi got nggum’ ni fa’anra dab gu rin’.”

1 Kronicles 22:11

Miki ul ul David ngay ni ga’ar, “Fakag, ere chiney e mang e yigi i par SOMOL rom ni Got rom, ma mang e yigi tay nga tagil’ e re bugithin ney ni micheg ni nge tem nge yag rom ni mu toy ba tempel ni fan ngak.

1 Kronicles 22:16

ko gol, silber, bronze, nge wasey. Ere mu tabab e chiney ko maruwel, ma mang e yigi par SOMOL rom.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Filippi 4:9

Mmaruwelgad ko tin kam filed rog nge tin ke yag ngomed rog, ni tin ni yag ngomed ko thin rog nge ngongol rog. I Got ni ir e be pi’ e gapas nga lanin’dad e bay i par romed.

Joshua 1:5

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

Ruth 1:17

Ma gin ni bay mum’ riy, e bay gum’ riy, me ir e bay ni k’eygeg riy. Mang e yigi pag SOMOL e bin ga’ e gechig ngog ni fa’anra gu pag yugu ban’en nge deregdow ni fa’anra gathi yam’!”

1 Samuel 10:7

Fa’anra yan i yodorom ma ngam rin’ e tin bayi pow’iyem Got ngay ni ngam rin’.

1 Samuel 14:47

Tomuren ni mang Saul pilung nu Israel me mael ngak urngin e pi to’ogor rok ni bay u gubin yang, ni aram e girdi’ ko Moab, ngu Ammon, ngu Edom, nge fapi pilung nu Zobah, nge pi Filistine. Gubin yang ni i yan ngay ko mael ma i gel.

1 Samuel 17:37

I SOMOL e ke ayuweg e pogofan rog u pa’ e layon nge bear, ere ku bayi ayuwegneg u pa’ e re Filistine nem.” Me ga’ar Saul, “Kefel’, mman, mi SOMOL e nge un ngom ngam marow.”

1 Samuel 18:12

Me rus Saul ngak David, ya bay SOMOL rok David ma ke chuw rok Saul.

1 Samuel 19:3

Ma bay gub gu sak’iy u to’oben e chitamag u daken e ted ko gin’en ni ga be mith riy nggu weliy murung’agem ngak. Ma tin bay kug rung’ag e thin e bay gguy rogon ngam nang.”

1 Samuel 20:12

me ga’ar Jonathan ngak David, “I SOMOL ni Got rok piyu Israel e nge mang mich rodow! Ngiyal’ney gabul nge langlath e bay ug fith e chitamag. Ma fa’anra dariy ban’en u wan’ ngom, ma bay gu pi’ e thin nge yib ngom.

1 Samuel 20:14

Ra dab gum’, ma ga tay u tagil’ e tin ni kam micheg ngog u fithingan SOMOL ma ga par ni gab yul’yul’ ngog; mra chey ni gum’,

1 Samuel 25:22

Mang e yigi thang Got e fan rog ni fa’anra dab gu mu’ i thang e fan rok gubin fapi pumo’on u m’on ndawori kadbul!”

1 Samuel 3:17

Me fith Eli ngak ni ga’ar, “Mang e ke weliy SOMOL ngom? Dab mmithag ban’en rog. Ya fa’anra dabmog ngog urngin e tin ke weliy ngom mra gechig nagem Got nib gel.”