1 Samuel 2:9 - Bible Ni Thothup

⁹ “Girdi’ rok ni yad ba yul’yul’ ngak e ma ayuweg e pogofan rorad, ma pi’in kireb e yad ma m’ay ngabang u fithik’ e lumor; ya dabiyag ni nge gel be’ ko mael u gelngin.

1 Samuel 2:9 Σταυροειδείς Αναφορές

BABYOR NI JOB 18:18

Bay ni tuluf nge yan nga wuru’ e nam rok e pi’in kabfos, bay ni tuluf ko tamilang nga fithik’ e lumor.

BABYOR NI JOB 40:13

Mu k’eyagrad ni yad gubin; ma ga michigiyrad u lan e fayleng ko yam’ karmad.

BABYOR NI JOB 5:16

Ma pi’ e lagan’ ngak e pi’in gafgow mma gagiyegnag e pi’in kireb ngar th’abed gulungrad.

BABYOR NI JOB 5:24

Ma aram e bay u mu par u fithik’ e gapas u lan e tent rom; ra mman mu guy e pi saf rom ma ga ra pir’eg ndawori buch ban’en rorad.

Psalms 1:6

I SOMOL e ra pow’iy me yororiy e pi’in yad ba mat’aw, machane en nib kireb e be yan u ba kanawo’ ni sor ngabang nib gel e gafgow riy.

Psalms 105:37

Me pow’iy yu Israel nga wuru’ e nam nu Egypt; ni yad be fek e silber nge gol, yad gubin ni yad ba gel ni dariy e m’ar rorad.

Psalms 121:3

Ir e dabi pagem ngam mul; en ni yoror rom e ke par ni be od!

Psalms 121:5

I SOMOL e bay i matanagiyem; bay u to’obem ni nge ayuwegnem

Psalms 121:8

Bay u mub ngu’um man ni be yoror rom e chiney i yan nga m’on ndariy n’umngin nap’an.

Psalms 145:20

Ma yoror rok urngin e pi’in nib t’uf rorad, machane ra thang e pogofan rok urngin e pi’in nib kireb.

Psalms 31:17

SOMOL, gu be piningem; dab mu pageg nge ma’fag. Nge mang e pi’in kireb e nge ma’farad; mang e ranod nib m’ath gulungrad i yan nga but’ ko fare fayleng ko yam’.

Psalms 37:28

Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.

Psalms 94:18

Mug ga’ar, “Ke sirgig eg”; machane SOMOL fare t’ufeg rom ni dabimus e ke duwgiliyeg.

Psalms 97:10

I SOMOL e bt’uf rok e pi’in nib fananikay e kireb; mma ayuweg e yafos rok e girdi’ rok; ma chuwegrad u lan pa’ e pi’in kireb.

Proverbs 16:9

Rayag ni ngam tanomnag e pin’en ni ngam rin’, machane Got e be pow’iy e ngongol rom.

Proverbs 2:8

Ir e ma yoror rok e pi’in yad ma ayweg boch e girdi’, ma matanagiy e pi’in yad ma folwok rok.

Proverbs 3:26

I SOMOL e ra aywegem ni dabi buch ban’en rom. Ma dabi pagem ngam aw ko wup.

Eklesiastes 5:17

Ud pired u fithik’ e lumor, buchbuchan’, magfan’, damumuw, nge m’ar.

Eklesiastes 9:11

Ku gu nang reb e ban’en, u roy u fayleng ni pi’in yad bmachrag ko mil e gathi urngin yay ni yad ma m’on ko sagreng, nge cha’ nib falu’ e gathi urngin yay mma gel ko mael. Pi’in yad ba gonop e gathi urngin ngiyal’ ma ba gaman e tin nib t’uf ko yafos rorad, ma pi’in ba tamilangan’rad e gathi gubin ngiyal’ ma yad bfla’ab, ma pi’in yad ba salap ko gagiyeg e gathi gubin ngiyal’ ni yad ma yan ko liw nib tolang. Gubin e girdi mma buch wa’athan.

Isaiah 27:3

“Gu ma ayweg ma gu ma tarannag ni gubin ngiyal’. Gu ma matanagiy ni nnep’ nge rran ya nge dabi kirebnag be’.

Isaiah 47:5

Be ga’ar SOMOL ngak yu Babylon, “Mu par nib math gulngam u fithik’ e lumor; dakriy e ngiyal’ ni ku yira piningem ni gur fare bpin ni pilung ko pi nam!

Jeremiah 8:14

I fith e girdi’ rok Got ni ga’ar, “Mangfan ni kay gu da pired u luwdad? Mired ngad milgad i yan ko fare binaw ni ka ni yororiy ni fan ko mael ngadm’ad u rom. I SOMOL ni Got rodad e ke duwgiliy ndabisiy ni ngad m’ad; ke pi’ e yub ngodad ni ngad unumed, ni bochan e gadad be denen nib togopluw ngak.

Jeremiah 9:23

Be ga’ar SOMOL, “En nib gonop e dabi uf ko gonop rok, ma en nib yargel e dabi uf nga gelngin, ma en nib pire’ ban’en rok e dabi uf ko fel’ rogon rok.

Nahum 1:8

Ni bod rogon e lul’ ni sugbur nib tomgin me thang mit e pi to’ogor rok; me pag e pi’in yad ma togopluw ngak ngarm’ad.

Zefaniah 1:15

Rofen nem e yaran e damumuw, ma yaran e gafgow nge amith. Yaran e mogothgoth nge kireb, ma ku yaran e rumug nge lumor, reb e rran nrib limolang mab talmor,

Zekariah 4:6

Fare engel e yog ngog ni nggu pi ngak Zerubbabel e re thin ney rok SOMOL: “Bay mman’og ni gathi gelngin e salthaw rom, ma gathi gelngim, ya gelngig.

Numbers 6:24

I SOMOL e ngi i fal’eg wa’athmed ma be ayuwegmed;

Matthew 8:12

Ma pi’in nsusun e ngar pired ko gin nsuwon Got e bay nin’rad nga wuru’ e gin nsuwon Got nga fithik’ e lumor, ko gin ni bay ur yorgad riy ma be chachafin nguwelrad.”

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

1 Peter 1:5

Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.

2 Peter 2:17

Pi girdi’ nem e yad bod e alublub ndakir yib e ran riy, ma yad bod e manileng ni be yan nagrad e nifeng nib gel; i Got e ke tay tagil’rad ko gin nrib talumor.

Jude 1:1

Re babyor ney e yib rok Jude ni ir reb e tapigpig rok Jesus Kristus, ni be’ nib mo’on ni walagen James — Ngak e pi’in nike piningrad Got, ni yad be par ni yad bt’uf rok Got, ni ir e Chitamangiy, ma be yororiyrad Jesus Kristus:

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Jude 1:3

Pi tafager rog nri gimed ba t’uf rog! Ug guy rogon ni nggu yoloy nga babyor nggu pi’ ngomed murung’agen kanawo’en ni thapegdad Got ngak, ma aram mu gu finey ni nggu yol ngomed nggog ni ngam athamgilgad ngu’um pired ko fare mich nike pi’ Got ngak girdi’en nri ta’ab yay me par ni errogon.

1 Samuel 25:26

I SOMOL e ke tem ni dawor mu sulweg taban e kireb ngam thang e fan rok e pi to’ogor rom. Ma chiney e gu be micheg ngom u fithingan SOMOL ni be par nib fos ni pi to’ogor rom nge urngin e pi’in yad ba’adag ni ngar rin’ed ban’en ngom nib kireb e bay ni gechig nagrad ni bod Nabal.