1 Samuel 2:3 - Bible Ni Thothup

³ Mu taleged e thin ni gimed be yog ni ba ga’ lammed ni gimed e soromed; ngam th’abed gulungumed ndab ku mu weliyed e thin ko ufanthin. Ya SOMOL e ba Got ni manang urngin ban’en, me ir e ma thabthabelnag urngin e tin be rin’ e girdi’.

1 Samuel 2:3 Σταυροειδείς Αναφορές

1 Kings 8:39

ma ga motoyil ko meybil rorad. Mu telim ngorad u tafnam u tharmiy, ma ga n’ag fan e kireb rorad u wun’um, ma ga aywegrad. Kemus ni gur e ga manang e leam rok urngin e girdi’. Ra be’ ma ga rin’ ngak nrogon e ngongol rok,

BABYOR NI JOB 31:6

Got e nge thabthabel nigeg u daken e thabthabel nib puluw, nge guy nri de kireb e rog.

Psalms 147:5

Somol rodad e ba gel gelngin ma ba sorok; ma gonop rok e dabiyag i foleg.

Psalms 17:10

dariy e marunguy rorad, mab tolang e thin rorad.

Psalms 31:18

Mu th’abgulungan e pi felfel’lugun nem — gubin e pi’in tolngan’ ma yad ba ufanthin ni yad be non ni yad be dariyfannag e pi’in nib mat’aw.

Psalms 44:21

ma rib mich ni gamnang, Ya gamnang e tin bay u lanin’mad nib mith.

Psalms 75:5

Gu be yog ngorad ni ngar talgad ko ufanthin.”

Psalms 94:4

Bu uw n’umngin nap’an ni nge par e pi’in ma kar’ oloboch nib tolngan’rad; ma yad ba uf ko pi oloboch ni yad be ngongliy?

Proverbs 16:2

Rayag ni ngam leamnag ni urngin e tin ni ga be rin’ e ba manigil, machane SOMOL e ma thabthabelnag rogom.

Proverbs 24:12

Rayag ni ngamog ndariy rogom ngay, machane Got e ma nang ma ir e be guy lanin’um nge fan ni ga ma rin’ ban’en. Ma fal’eg i yaliyem; ere manang. Ma ra pi’ puluwom ni rogon e n’en ni ga ma rin’.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Isaiah 26:7

SOMOL, i gur e ga be pacheg e wo’ ni fan ngak e pi’in ni bfel’; kanawo’ ni yad be milekag riy e ba ayal ma bpach.

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Ezekiel 35:13

Kug rung’ag fiti lungun nib togopluw ngog.”

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Daniel 5:27

ma fan e tomalngin e aram e kem’ay i thabthabel nigem ka ni guy ni kayigi gel e ba’ud rom;

Malaki 3:13

Be ga’ar SOMOL, “Kam thibthib niged gag, machane ke lungumed, ‘Mang e ku gogned ni murung’agem?’

Hebrews 4:12

Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

Judges 9:38

Ma aram me ga’ar Zebul ngak, “Mang faram e u mog? Um fith faram fan ni gadad be pigpig ku Abimelek. Irera’ fa picha’ ni um makak’ar nagrad. Ere mman e chiney ngam chamgad.”

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”