1 Samuel 2:28 - Bible Ni Thothup

²⁸ Gu mel’eg girdi’en e tabinaw rok u fithik’ urngin e pi ganong nu Israel ni ngar manged prist rog, ni nge mang yad e ur pigpiggad u altar, miyad e ngu’ur urfiyed e incense, mayad e ngu’ur ron’ed nga dakenrad fare mad ni efod u p’eowcheg ni ngar fithed lanin’ug. Mu gu pi’ mat’awrad nike mil suwon reb e f’oth ngorad ko pi maligach ni yibe urfiy u daken e altar.

1 Samuel 2:28 Σταυροειδείς Αναφορές

2 Samuel 12:7

Me ga’ar Nathan ku David, “I gur e cha’nem. Ma ba’aray e thin nike yog SOMOL ni Got rok yu Israel; ke ga’ar, ‘Gu dugliyem ni ngam mang pilung rok piyu Israel, me gag e gu ayuwegnem u pa’ Saul nde thay e pogofan rom.

2 Samuel 6:14

Me churu’ David nike musmus nga rogon ni be tay fan SOMOL, ni kemus ni bangi mad nib wech e bay u lukngun.

Exodus 28:1

“Mu pining Aron ni walagem nge pifak ni pumo’on ni aram Nadab, Abihu, Eleazar, nge Ithamar. Mu faelrad nga bang u fithik’ piyu Israel, ya ngar manged tapigpig rog ni prist.

Exodus 28:4

Mog ngorad ni ngar ngongliyed bangi mad ni yima tay nga daken ngorngorey, nge ba efod, nge ba wuru’ e mad nib n’uw, nge ba kenggin ni kan sisyunag, nge bangi mad ni yima bachiy nga lolugey, nge bangi leed ni mad. Ngar ngongliyed e mit i mad ney ni madan e prist nge fanay walagem i Aron nge pifak ni pumo’on, ya ngar pigpiggad rog ni prist.

Exodus 30:7

Aron e gubin e kadbul nra yib ni nge ngongliy rogon fapi magal, ma nge urfiy e incense u daken e fare altar.

Exodus 30:8

Ku aram e n’en ni nge rin’ ni blayal’ nnap’an ni nge yib i tay e nifiy ko fare magal. Re incense ney ni yima urfiy ni aram e yibe ognag e dab ntal i rin’ ni gubin e mfen nga m’on.

Levitikus 2:10

Ma tin ke aw riy e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Levitikus 2:3

Ma tin ke magey ko fapi grain e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

Levitikus 6:16

Ma tin nra aw riy e nge kay Aron nge fapi pumo’on ni fak; thingar ni kay ni dariy e is riy u lan e gin nib thothup; u lan e yoror ko fare Tent u P’eowchen SOMOL.

Levitikus 7:32

Ma ba’ ni mat’aw i ay fare gamanman ni gin nib migid ngalang e thingar ni mel’eg ni nge mang ba f’oth

Levitikus 7:36

Rofen n’em e motochiyel SOMOL ngak yu Israel ni ngar pi’ed ngak fapi prist e giney ko fare maligach. Nib motochiyel ni ngi i fol e girdi’ nu Israel riy e chiney i yan ngaram.

Numbers 16:5

Ma aram me ga’ar ngak Korah nge pi’in kar manged ngak, “Gabul ni kadbul e bayi dag SOMOL ngodad ko mini’ e en nib milfan ngak; ir e ra pag e cha’an nib milfan ngak ni aram e cha’ nike mel’eg, ni nge yan ngak nga altar.

Numbers 18:19

“Gubin e tin nib mal’eag e f’oth ni be pi’ yu Israel ngog e go’ kug pi’ ngom nge pifakam ni pumo’on nge ppin. Ku gu micheg e ran’ey ngom nge pi’in ni owchem, ni dabi thil bi’id.”

1 Samuel 14:3

Ma Ahijah nib mo’on ni fak Ahitub, nib mo’on ni walagen Ikabod, me Ahitub e be’ nib mo’on ni fak Finehas, nib mo’on ni fak Eli, ni i mang prist rok SOMOL u Shiloh, e ke yon’ fare efod nga daken. Ma de nang fapi pumo’on nike yan Jonathan.

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.