1 Samuel 2:23 - Bible Ni Thothup

²³ Ma aram me ga’ar ngorow, “Mangfan ni gimew be rin’ e pi n’ir? Gubin e girdi’ ni yad be yog ngog murung’agen e pi kireb ni gimew be ngongliy.

1 Samuel 2:23 Σταυροειδείς Αναφορές

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Jeremiah 3:3

Arfan nike tal e n’uw ko nap’an e n’uw. Ka mu bod ya’an be’ nma chuway’ ngak ni damur tamra’.

Jeremiah 8:12

Girdi’ rog, gur, um tamra’gad ni bochan e pin’ey nib sosongor ni um ngongliyed? Dangay, damnanged e tamra’! Ere bay mu thaygad ni bod nike thay boch e girdi’; ngiyal’ ni gu ra gechig nagmed, ma aram e tomuren e yafos romed. I Gag SOMOL e gu be non.

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Acts 9:4

Me thay nga but’ me rung’ag ba lam ni be ga’ar ngak, “Saul, Saul! Mang ni ga be gafgow nigeg?”

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

1 Samuel 2:22

Re ngiyal’ i n’em e kari pilibthir Eli, ma ka be rung’ag urngin ban’en ni be ngongliy fa gali pumo’on ni fak ngak piyu Israel, ni mus ngak e ppin ni yad ma maruwel u langan e garog ko fare Tent u p’eowchen SOMOL ni yow be moleg.

1 Samuel 2:24

Gal fakag, ngam talegew e tinir e pa’! Ya pi n’ir ni be weliy e girdi’ rok SOMOL murung’agen e bogi n’en nrib kireb!