1 Samuel 2:22 - Bible Ni Thothup

²² Re ngiyal’ i n’em e kari pilibthir Eli, ma ka be rung’ag urngin ban’en ni be ngongliy fa gali pumo’on ni fak ngak piyu Israel, ni mus ngak e ppin ni yad ma maruwel u langan e garog ko fare Tent u p’eowchen SOMOL ni yow be moleg.

1 Samuel 2:22 Σταυροειδείς Αναφορές

Genesis 35:22

Ngiyal’ ni bay Jakob u rom ko re binaw nem, me moleg Ruben i Bilhah, ni reb fapi pin rok e chitmangin; ma fa’an ni rung’ag Jakob mri mus feni damumuw. Jakob e ragag nge l’aruw e pagel ni fak.

Genesis 37:2

Irera’ murung’agen Jakob. I Josef e ba pagel ni ragag nge medlip e duw yangren, ni i un ngak piwalagen ngu’ur gafaliyed e saf nge kaming, ma pi pagel nem ni walagen e pifak Bilhah nge Zilpah ni yow l’agruw e bpin rok e chitamngin Josef. I weliy Josef ngak e chitamngin e pin’en nib kireb nike rin’ fapi cha’ ni walagen.

Exodus 38:8

I ngongliy barba’ i dabiy nge ay ko wasey ni bronze, ni ngongliy u yuyang i therik ni fen e ppin ni yad ma pigpig u mit fare Tent u p’eowchen SOMOL.

Ezekiel 22:26

Pi prist e kar th’abed e motochiyel rog ma dakrir tedfan e n’en nib thothup. Ma dakrir gagyel niged e thil ko tin nib thothup nge tin nde thothup. Ma dakrir machib niged e thil ko tin nde ta’ay nge tin nib ta’ay. Kar feked yathin e Sabbath. Ke yan i aw ni girdi’ nu Israel e dakrir liyorgad ngog.

1 Samuel 2:23

Ma aram me ga’ar ngorow, “Mangfan ni gimew be rin’ e pi n’ir? Gubin e girdi’ ni yad be yog ngog murung’agen e pi kireb ni gimew be ngongliy.

1 Samuel 3:13

Kugog ngak ni bay gu gechignag e tabinaw rok ndariy n’umngin nap’an ni bochan e fa gali pagel ni fak e karognew e thin nib kireb nib togopluw ngog. Manang Eli ni yow be rin’ e pin’ey, machane de talegrow.

1 Samuel 8:1

Fa’ani pilibthir Samuel me tay fa gali pumo’on ni fak ni yow e ngar mangew tapuf oloboch nu Israel.