1 Samuel 2:17 - Bible Ni Thothup

¹⁷ Re kireb nem ni be ngongliy fa gali pumo’on ni fak Eli e yan i par ni ban’en nrib kireb u p’eowchen SOMOL, ya yow be darifannag e pi maligach ni yibe pi’ ngak SOMOL.

1 Samuel 2:17 Σταυροειδείς Αναφορές

Genesis 10:9

Bochan e fal’egwa’ath rok SOMOL ngak, me par nri kub cheag ko mokol gamanman, aram fan ni tabanathin u langan e girdi’ ni yad ma ga’ar, “I SOMOL e nge ayuwegnem ngam mang be’ nib cheag ko mokol gamanman ni bod Nimrod!”

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Genesis 6:11

Machane urngin e tin kabay e girdi’ e yad gubin ni yad ba kireb u p’eowchen Got, ma kireb rorad e ke wear nga gubin yang.

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

Psalms 51:4

Kug denen nib togopluw ngom, ni kemus ni gur e ba togopluw ngom, ma kug rin’ e tin nib kireb u wun’um. Ere mmat’aw ni ngam pufthin nigeg, bay mat’awum ni ngam turguy e gechig rog.

Isaiah 3:8

Arogon, Jerusalem e ke riya’! Ma Judah e ke puth! Urngin e tin yad be yog ma yad be rin’ e ba togopluw ngak SOMOL; bgagyal ni yad be gernag Got!

Malaki 2:13

Ku ba’aray reb e ban’en ni gimed be rin’. Kam lumach niged e altar rok SOMOL ko lu’ ni gimed be yor ma gimed be dololoy’, ya dakir fek e pi maligach ni gimed be fek i yib ngak.

Matthew 18:7

Ke gafgow e girdi’ nu fayleng ni bo’or ban’en ni bay riy nma waliy e girdi’ ngar pi’ed keru’rad ngak Got! Pin’ey nma waliy e girdi’ ngar pi’ed keru’rad ngak Got e gubin ngiyal’ ni bay i yib — machane ri bayi gafgow e en ni ir e tabolngin e pin’em!

1 Samuel 2:16

Ma fa’anra ga’ar fa’anem, “Som’on e nga ni urfiy e mam ni bay riy nge mu’ ma ga fek e tin ga ba’adag riy,” mra yodorom me ga’ar fare tapigpig rok e prist, “Dangay! Mpi’ ngog e chiney! Ya ra dangay ma nggu fek u fithik’ e yargel!”

1 Samuel 3:13

Kugog ngak ni bay gu gechignag e tabinaw rok ndariy n’umngin nap’an ni bochan e fa gali pagel ni fak e karognew e thin nib kireb nib togopluw ngog. Manang Eli ni yow be rin’ e pin’ey, machane de talegrow.