1 Samuel 19:21 - Bible Ni Thothup

²¹ Ma fa’ani rung’ag Saul salaprad me ki l’oeg boch e mol’og ngranod, ma ku aram rogon ra tawgad miyad tabab i weliy e yi’iy. Me l’oeg boch e pi mol’og ngranod ni aram e bin dalip e ulung, ma fa’an ranod ma ku aram e n’en nranod rrin’ed.

1 Samuel 19:21 Σταυροειδείς Αναφορές

Proverbs 27:22

Fa’anra mu pirdi’iy be’ nib balyang nge chugur ni nge yim’, ma dabyag ni ngam pirdi’iy e balyang rok nge chuw rok.

Jeremiah 13:23

Rayag rok be’ nib lumor downgin ni nge thilyeg ra’en dow, fa ba gamanman ni leopard ni nge luf e yung i n’en nib wupwupnun’ u downgin? Ma fa’anra yag, me’ere gur e sana ku rayag ni ngam thil ngam nang rogon i rin’ e tin ni bfel’.

Joel 2:28

’Ma tomur riy e bay gu pu’og e Kan Nthothup rog nga daken urngin e girdi’, ma pi’in pagel romed nge pi’in rugod romed e bay ra weliyed e thin rog ngak e girdi’; ma pi pumo’on ni kar pilibthirgad e bay i yib e lik’ay ngorad, ma pi’in pagel romed e bay ni piliyeg e changar rorad ngu’ur guyed bogi ban’en.

1 Samuel 19:20

me l’oeg boch e pumo’on ngranod ni ngar koled David ngar feked i yan ngak. Miyad guy ba ulung i profet ni yad be weliy e yi’iy, ni Samuel e bay nga m’on rorad. Ma aram me yib i ying gelngin Got ngak fapi pumo’on nike l’ograd Saul, ma ku er rogon yad nra tababgad i weliy e yi’iy.

1 Samuel 19:22

Me mang ir e yan nga Ramah. Ma fa’ani taw ko fare luwed ni ba ga’ ni bay u Seku, me fith e gin bay Samuel nge David riy, minog ngak ni yow bay u Nayoth.