1 Samuel 19:11 - Bible Ni Thothup

¹¹ Ka re nep’ i n’em me l’oeg Saul boch e pumo’on ni ngar matanagiyed e naun rok David ya nge kadbul miyad li’. Mi Mikal ni le’engin David e yog ngak David ni nge ayuw ni ga’ar, “Fa’anra dab mmil e nep’ ney, ma gabul e gab yam’.”

1 Samuel 19:11 Σταυροειδείς Αναφορές

2 Samuel 3:13

Me fulweg David ni ga’ar, “Ba manigil! Gu ra ngongliy ba m’ag u thildow ni fa’anra gara rin’ e ren’en ni ba’aray: thingar mu fek fare pin ni fak Saul ni Mikal i yib ngog ko ngiyal’ ni garab mu guyeg.”

Judges 16:2

Me nang e girdi’ nu Gaza ni bay Samson u rom, miyad yin’ e gin’em nga longob ngu’ur son niged u langan e garog ko re binaw nem ni polo’ e nep’. Ra pired e re nep’ i n’em ni polo’ nde non bagayad, ni be lungurad u wun’rad, “Ngad son niged nge yan i kadbul ma gadad li’ ngem’.”

1 Samuel 19:20

me l’oeg boch e pumo’on ngranod ni ngar koled David ngar feked i yan ngak. Miyad guy ba ulung i profet ni yad be weliy e yi’iy, ni Samuel e bay nga m’on rorad. Ma aram me yib i ying gelngin Got ngak fapi pumo’on nike l’ograd Saul, ma ku er rogon yad nra tababgad i weliy e yi’iy.

1 Samuel 20:31

N’umngin nap’an ni be par David nib fos e dariy e n’en nra rin’ ma ga mang pilung ko re nam ney. Mman mu pining ngam bow ngaray, ya thangri yim’!”