1 Samuel 18:23 - Bible Ni Thothup

²³ Miyad yog e re bugithin ney ngak David, me ga’ar, “Ra wechma’ be’ ngak e en ni pilung ma gathi ban’en nib mom, ma bug nir e thin e kayigi gel e thil riy ngak be’ nib gafgow, ma dariy rogon ni bod gag.”

1 Samuel 18:23 Σταυροειδείς Αναφορές

Genesis 29:20

Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.

Genesis 34:12

Mogned ngog ko mang e gimed ba’adag ni nge yag ngomed, mi gimed tay puluwon e re pin nir ni rogon tolngin ni gimed be leamnag, ma demturug ko mang e gimed ra yog mu gu ra pi’, ni fa’an gimed ra pi’ e re pin nir nggu le’engiy.”

Psalms 119:141

I gag e dariy rogog ma dariy fag u wun’uy, machane dagur pag e pi machib rom.

Proverbs 14:20

Dariy be’ ni ba’adag be’ dariy ban’en rok, ni mus ko en ni yow bbuguliyoror, ma be’ nib yo’or ban’en rok e ba yo’or e fager rok.

Proverbs 29:5

Fa’anra ga be pi’ e pi tafger rom ngalang ko thin, ma ga be ngongliy e wup nib sor ngom.

1 John 3:1

A mu guyed ngarogon fadad t’uf rok e en ni Chitamangiy! Rogon ni gadad bt’uf rok e ri ba ga’, ni aram tapgin ma kanog ni gadad pifak Got, ma riyul’ ni gadad pifak. Aram fan ni girdi’ nu fayleng e dar nanged gadad, ya dar nanged Got.

1 Samuel 18:18

Me ga’ar David, “I gag mini’, ma mang e birog e tabinaw ni nggu wechma’ ngak e en ni pilung?”

1 Samuel 18:22

Me yog Saul ngak e pi tolang ni yad bay u tan pa’ ni nge lungurad ngak David, “En ni pilung e ri gab fel’ u wan’ ma urngin e pi tolang ni bay u tan pa’ ni gabfel’ u wun’rad; ere ngiyal’ney e rib fel’ ni ngam leay fachi pin ni fak.”

1 Samuel 18:24

Me weliy e pi tolang nem ngak Saul e tin keyog David,

1 Samuel 9:21

Me ga’ar Saul, “I gag be’ ko ganong rok Benjamin ni fare ganong ni ir e th’abi achig u Israel, ma tabinaw rog e th’abi sobut’ ko biney e ganong. Ere mang ni ga be non ngog ni er rogon?”