1 Samuel 18:16 - Bible Ni Thothup

¹⁶ Machane gubin e girdi’ nu Israel ngu Judah nib t’uf David rorad, ya bfel’ rogon ni be tay murung’agen e ba’ rok e salthaw.

1 Samuel 18:16 Σταυροειδείς Αναφορές

2 Samuel 5:2

Kakrom nnap’an ni Saul e pilung rodad, me gur e um tay murung’agen e salthaw nu Israel ko mael me yog SOMOL ngom ni bay um pow’iy e girdi’ rok me mang gur e um gagiyeg nagrad.”

1 Kings 3:7

SOMOL ni Got, kam gagiyeg nigeg kug wan nga luwan e chitamag kug pilung, ni yugu aram rogon ni ku gub pagel nda gu nang rogon e gagiyeg.

Ester 10:3

I Mordekai ni fare Jew e ir e migid tolangin ngak Xerxes ni Pilung. Mordekai e ma tay e Jew fan ma go’ yad ba’adag daken. I maruwel ni nge fel’ ngak e girdi’ rok nge ngak gubin e pi’in owchen ni nge dabi buch ban’en rorad.

Numbers 27:17

me yog ngorad e n’en ni ngu’ur rin’ed u fithik’ e mael, ya nge dabi par e tirom e girdi’ ni bod e saf ndariy be’ ni be gafaliyrad.”

Luke 19:48

machane de pat ngorad rogon ni ngar rin’ed, ya urngin e girdi’ ni kar pired ni yad be motoyil ngak Jesus, ndaburad ni nge yan ta’ab bugithin nike yog ndar rung’aged.

Luke 20:19

Fapi tamchib ko Motochiyel nge pi tolang ko prist e ra guyed rogon ni ngar koled Jesus ngar feked ni ka chingiyal’ nem, ya kar nanged nike weliy e re fanathin nem ni yad e ba togopluw ngorad; machane yad be tamdag ngak e girdi’.

1 Samuel 18:13

Me l’oeg Saul David nge yan me tay ni ir pilungen reb e biyu’ e salthaw. Me fek David e salthaw rok ngranod ko mael,

1 Samuel 18:15

Fa’ani guy Saul rogon e mon’og ni be tay David ma fini aram e i gel e marus rok ngak.

1 Samuel 18:5

Ma gubin yang ni l’oeg Saul i David nge yan ngay ma bfel’ e tin ni rin’ David, ma aram me tay Saul David ni ir reb e tolang ko salthaw rok. Me ri fel’ David u wan’ e pi salthaw rok Saul ngu wan’ urngin e pi tolang ko salthaw rok Saul.