1 Samuel 17:45 - Bible Ni Thothup

⁴⁵ Me fulweg David ni ga’ar, “Kam fek e saydon ni yima rugoy nge sarey ni yima yin’, machane gag e ku gub ngom u fithingan SOMOL ni Gubin ma Rayag Rok, ni ir e Got rok e salthaw nu Israel ni ga be darifan nagrad.

1 Samuel 17:45 Σταυροειδείς Αναφορές

2 Kronicles 14:10

Me yan Asa ni nge cham ngak, ma ra barba’ fa gal raba’ i salthaw ni ngar chamgow ngorow me fal’eg rogon u tagil’ u lan fare loway nu Zefathah u charen yu Mareshah.

2 Kronicles 32:8

Ir e gelngin e girdi’ gelngin, machane gadad e bay SOMOL ni Got rodad nra aywegdad nge cham ni pa’dad ko mehl.” Pi thin ney ni yog e pilung rorad e pi’ gelngin lanyan’ fapi girdi’.

Psalms 124:8

Ayuw ni be yib ngodad e SOMOL e be yib rok, ni ir e sunumiy e tharmiy nge but’.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 20:8

Mit i girdi’ nem e bayi tun ayrad ngar awgad nga but’, ma gadad e bay da puwgad ngalang ngad sak’iygad ni gadad bmudowgil.

Psalms 3:8

Gel ni yima tay e ma yib rok SOMOL— mang e yigi fal’eg wa’athan e girdi’ rok.

Psalms 44:6

Gathi gat’ing romad e be pagan’mad ngay ara saydon romad ni nge aywegmad;

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Isaiah 37:23

Mini’ e ga be leamnag ni ga be togopluwnag e welthin ngak ma ga be moningnag? Ga be dariy fan nigeg, i Gag fare Got nib thothup nu Israel.

Isaiah 37:28

“Machane gu manang urngin salpem, ni n’en ni ga be rin’ nge gin ngam sor ngay. Gumnang rogon e damumuw rom nib togopluw ngog.

2 Korinth 10:4

Talin e cham ni gamad be maruwel ngay ko cham ni gamad be tay e gathi talin e cham nu roy u fayleng, ya talin e cham nib yargel ni yib rok Got, ni ir e ngan kirebnag ngay yungi n’en nike fal’eg e mo’onyan’ rogon ke par riy be cham ngodad. Gamad be kirebnag e thin nde riyul’ ni be togopluwnag e girdi’ ngak Got;

2 Korinth 3:5

Ya dariy rogomad ni nggogned nrayag ni gu ngongliyed e re maruwel ney. Ya gelngimad ni nggu muruwliyed ngay e Got e ke pi’ ngomad:

Filippi 4:13

Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

1 Samuel 17:10

Ere yib be’ e chiney ko salthaw nu Israel ngaray nggu chamgow, mu guyed be’ nge yib ya dagur rus ngomed!”

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.

1 Samuel 17:6

Ma tungun ay e ke ing nga bang i ban’en nni ngongliy ko bronze, ma ke yin’ nga pon ba sarey nib bronze.