1 Samuel 16:6 - Bible Ni Thothup

⁶ Fa’anra tawgad, me guy Samuel Eliab ni ba pagel ni fak Jesse me ga’ar u wan’, “Re mo’on ney nib sak’iy u roy u p’eowchen SOMOL e mmudugil ni irera’ e cha’ nike duwgiliy.”

1 Samuel 16:6 Σταυροειδείς Αναφορές

1 Kings 12:26

Me ga’ar u wan’, “Rogon urngin ban’en nike yan i aw e chiney, e fa’anra yan e tirog e girdi’ nga Jerusalem ngar pi’ed e maligach ngak SOMOL u lan e Tempel u rom, ma yad ra cheal ngar manged ngak Rehoboam ni ir e pilung nu Judah, miyad thang e pogofan rog.”

1 Kings 4:11

Benabinadab, ni i leengiy Tafath ni be’ ni bpin ni fak Solomon: ga’ngin e nug nu Dor

1 Kronicles 2:13

I Jesse e medlip e pagel ni fak. Ni rogon yarmen fithingarad e tabab ko en ni nganni’: Eliab, Abinadab, Shammah,

1 Kronicles 28:4

I SOMOL ni fare Got nu Israel, e ke mel’egeg nge pi’in owcheg ni ngu’ug gagiyeg niged yu Israel ndariy n’umngin nap’an. Ke mel’eg fare ganong rok Judah ni yad e ngu’ur gafaliyed, mu lan yu Judah e ke mel’eg e tabnaw rok e chitamag. Mu lan e re tabnaw nem ni ga’ngin mab felan’ SOMOL ngay ni nge pilung nigeg u daken ga’ngin yu Israel.

2 Kronicles 11:18

Rehoboam e le’engiy Mahalath ni chitamngin e Jerimoth nib mo’on ni fak David ma chitiningin Abihail, ni be’ ni bpin ni fak Eliab nib mo’on ni fak Jesse.

Psalms 84:9

A Got, mu ayuweg e pilung romad, ni fare pilung ni gur e mturguy ni nge pilung!

Judges 8:18

Me fith ngak Zebah nge Zalmunna ni ga’ar, “Uw rogon ya’an fapi pumo’on ni kam li’ew u Tabor karm’ad?” Miyow fulweg ni lungurow, “Yad bod ya’am. Yad gubin ni yad bod ya’an pifak e pilung.”

1 Samuel 17:13

Ma dalip e pumo’on ni fak Jesse ni tin th’abi ilal e ra uned ngak Saul ko mael. Bin th’abi ilal e Eliab, ma bin migid e Abinadab, ma bin dalip e Shammah.

1 Samuel 17:22

Me yani tay David fapi ggan ngak reb e ga’ ko salthaw ni ir e mmil fan e chugom ko salthaw ngak, me mil i yan ko gin kan k’af riy, me yan ngak pi walagen nge fith salaprad.